გიგი წერეთელი - ხელისუფლებას უნდა ესმოდეს ავტორიტეტული სენატორების განცხადების სიმწვავე

გულდასაწყვეტია, რომ საქართველოს მიმართ ამგვარი შეფასებებია, იმ ადამიანების მხრიდან ვინც ბედნიერი იქნებოდა საქართველოს რეფორმებში და წინსვლაში დაუჭიროს მხარი და არა მოუწოდოს, რომ იყოს სამართლიანი სასამართლო, რომ საქართველოს მესამე პრეზიდენტს ასე ექცეოდნენ, - ამის შესახებ „ევროპული საქართველოს“ პოლიტსაბჭოს თავმჯდომარე გიგი წერეთელმა განაცხადა.

როგორც წერეთელი ამბობს, ხელისუფლებას უნდა ესმოდეს ავტორიტეტული სენატორების განცხადების სიმწვავე და ყველაფერს აკეთებდეს სიტუაციის გაუმჯობესებას.

„წამყვანი, ავტორიტეტული სენატორების განცხადება, რა თქმა უნდა, არის საყურადღებო. ხელისუფლებას უნდა ესმოდეს, თუ რამდენად მწვავეა ამ განცხადების შინაარსი, მაგრამ მეორე მხრივ, გულდასაწყვეტია, რომ საქართველოს მიმართ ამგვარი შეფასებებია, იმ ადამიანების მხრიდან ვინც ბედნიერი იქნებოდა საქართველოს რეფორმებში და წინსვლაში დაუჭიროს მხარი და არა მოუწოდოს, რომ იყოს სამართლიანი სასამართლო, რომ საქართველოს მესამე პრეზიდენტს ექცეოდნენ ასე და ზოგადად ქვეყანაში დემოკრატიულ უკუსვლაზე მიუთითებდეს. არ მგონია, ხელისუფლებას აქვს რესურსი, რომ ეს მდგომარეობა გამოასწოროს“,- განაცხადა წერეთელმა.

ცნობისთვის, ჯინ შაჰინი, ჯიმ რიში, ბენ კარდინი და რონ ჯონსონი განცხადებას ავრცელებენ, სადაც აღნიშნულია, რომ ისინი ყურადღებით აკვირდებიან ყოფილი პრეზიდენტის, მიხეილ სააკაშვილის მდგომარეობას და მის მიმართ მოპყრობას, რაც ამერიკის სენატში საქართველოს მეგობრების შეშფოთებას იწვევს. სენატორები მთავრობას მოუწოდებენ, პრიორიტეტი მიანიჭოს მიხეილ სააკაშვილის მდგომარეობის სერიოზულობას.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა