რაჭაში საპროტესტო აქცია გაიმართა. ადგილობრივების განცხადებით, აპროტესტებენ გადაწყვეტილებას, რომლის მიხედვითაც, ონის მუნიციპალიტეტის სოფელ შქმერში ბუნებრივი წიაღისეულის მოპოვების მიზნით, 150 ჰექტარი ტერიტორია უნდა გადაითხაროს.

აქციის მონაწილეების ინფორმაციით, მანგანუმის მოპოვების დაწყების შემდეგ, ისტორიული სოფელი ნასახლარებად გადაიქცევა, შეიცვლება კლიმატი და დაბინძურდება ჰაერი.

როგორც ცნობილია, სსიპ წიაღის ეროვნულმა სააგენტომ სოფელ შქმერის მიმდებარე ტერიტორიაზე მანგანუმის შესწავლა - მოპოვების მიზნით 10 წლის ვადით სასარგებლო წიაღისეულის მოპოვების ლიცენზია გასცა.