იუსტიციის მინისტრი - წარმოგიდგენთ უწყვეტ კადრს და დარწმუნდებით, რომ სახლიდან, როგორც ყოველთვის, ამჟამადაც სადარბაზოდან გამოვდივარ

იუსტიციის მინისტრი რატი ბრეგაძე „შაბათის ფორმულაში“ გასულ სიუჟეტს ეხმაურება. სიუჟეტში გავრცელებული ბრალდებების საპასუხოდ, იუსტიციის მინისტრი ვიდეოს აქვეყნებს, სადაც ჩანს, თუ როგორ გამოდის ის სადარბაზოდან.

„იმის დასტურად რომ მთელი სიუჟეტი ტყუილზეა დაფუძნებული, წარმოგიდგენთ უწყვეტ კადრს, რომელზეც ჩემს კორპუსთან ნათლად დაინახავთ ჯერ „ფორმულას“ მანქანას, იხილავთ, თუ როგორ შედის ტელეკომპანიის თანამშრომელთა ჯგუფი სადარბაზოში და როგორ ტოვებს ტერიტორიას. ბოლოს ნახავთ და დარწმუნდებით, რომ სახლიდან, როგორც ყოველთვის, ამჟამადაც სადარბაზოდან გამოვდივარ“, - წერს რატი ბრეგაძე.

მინისტრის განცხადებით, ტელეკომპანია „ფორმულას“ ჟურნალისტმა ფაქტების ნაცვლად მაყურებელს შესთავაზა „საბჭოთა პროპაგანდის კლასიკური ნიმუში, რომლის მიზანიც იმაში მდგომარეობს, რომ ხალხის მტრად გამოცხადდეს ყველა ვისაც განსხვავებული შეხედულება აქვს“.

„შაბათის ფორმულაში გავიდა ცილისმწამებლური სიუჟეტი სახელწოდებით: “სარდაფიდან გაქცეული მინისტრი”. მე პარასკევს მოვუწოდე ამ ტელეკომპანიის ჟურნალისტს, რომ წარმოედგინათ მტკიცებულებები და დაესაბუთებინათ ბრალდება, რომლის თანახმადაც თითქოს სარდაფიდან გავიპარე. კორპუსის იდუმალებით მოცული სარდაფიდან გაქცევის კადრების ნაცვლად კი შაბათს ვიხილეთ საბჭოთა პროპაგანდის კლასიკური ნიმუში, რომლის მიზანიც იმაში მდგომარეობს, რომ ხალხის მტრად გამოცხადდეს ყველა ვისაც განსხვავებული შეხედულება აქვს. სამწუხაროა იმის ყურება თუ როგორ აიძულებს პროპაგანდისტული მანქანა 21-ე საუკუნის თავისუფალ საქართველოში ახალგაზრდა ჟურნალისტებს სახალხო კომისრების მეთოდებით მუშაობას, “ - წერს რატი ბრეგაძე.

მინისტრის შეფასებით, სიუჟეტი, სიცრუის გავრცელების ხარისხით „ე.წ ფეიკ ნიუსის სტანდარტებსაც კი გასცდა და სიყალბის ახალი მწვერვალი დაიპყრო“.

„არა უშავს, შეუმცდარი არავინაა. მაყურებლის მოტყუებას, საზოგადოების შეცდომაში შეყვანას და ადამიანის დაუმსახურებელ შეურაცხყოფას ბოდიში შველის, რასაც ვაჟკაცობა და გამბედაობა სჭირდება! - წერს რატი ბრეგაძე.

ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
ქართული პრესის მიმოხილვა 30.06.2022
გოგა მელიქიძე - საპენსიო ფონდი მნიშვნელოვან ზრდას განაგრძობს
კახა ოქრიაშვილი - „ყაველაშვილის ტრიო“ მომავალში მრავალი პოლიტიკური ტრიუკისთვის იქნება გამოყენებული
„ფოთის ახალ საზღვაო ნავსადგურში“ დოკერისა და მძღოლ-ოპერატორების კურსებზე პრაქტიკულ სწავლებას 40-ზე მეტი პირი გადის
„ონისი“ - 3 მეგობრის მიერ დაწყებული გემრიელი ბიზნესი
კარდიოასმაგნე - გულ-სისხლძარღვთა დაავადებების პრევენცია და მკურნალობა
„ლიბერთი“ მასწავლებელთა პოპულარიზაციის გლობალურ კამპანიას უჭერს მხარს
მელიქიშვილის 10 ნომერში სასტუმრო ”რამადა თბილისი” გაიხსნა
სს „ლიბერთი ბანკის“ გენერალურ დირექტორად ბექა გოგიჩაიშვილი დაინიშნა
"არქი" ოქროს ბრენდის გამარჯვებული გახდა
ისტორიული დღე ვატიკანში - პირველად, სიქსტის კაპელაში, ქართული გალობა გაისმა