ანა დოლიძე - ერთადერთი „რეფორმა", რომელიც „ქართულმა ოცნებამ" გაატარა, იყო „კლანის" გაძლიერება და მისთვის იუსტიციის საბჭოში ყველანაირი ბერკეტის მინიჭება

ერთადერთი „რეფორმა", რომელიც „ქართულმა ოცნებამ" გაატარა, იყო „კლანის" გაძლიერება და მისთვის იუსტიციის საბჭოში ყველანაირი ბერკეტის მინიჭება, - ამის შესახებ პარტია "ხალხისთვის" ლიდერმა ანა დოლიძემ ჟურნალისტებთან განაცხადა.

როგორც მან აღნიშნა, საჭიროა მოსამართლეთა დანიშვნა შეჩერდეს და რეალური რეფორმა განხორციელდეს საერთაშორისო ორგანიზაციებისა და პარტნიორების მხარდაჭერით.

"ქართული ოცნების" ფარისევლობა იმაში მდგომარეობს, რომ ისინი აგრძელებენ იმ მოსამართლეების დანიშვნას, რომლებიც იყვნენ უშუალო შემსრულებლები რეპრესიული სისტემის "ნაციონალური მოძრაობის" მმართველობის დროს, რომლებსაც ისინი თითქოსდა პოლიტიკურად ებრძვიან. ვითომ ერთი ხელით "ნაციონალურ მოძრაობას" ებრძვიან, მეორე ხელით ნიშნავენ მოსამართლეებს, რომლებიც უშუალოდ ახორციელებდნენ იმ რეპრესიას, რომელიც იმ პერიოდში ხდებოდა. მაგალითად, დღეს წარმოდგენილი მოსამართლე ნინო სანდოძე, არის მოსამართლე, რომელიც მორჩილად, თავაუწევლად ემსახურებოდა 9- წლიან რეჟიმს "ნაციონალური მოძრაობის" დროს, არ აქვს გამოტანილი არც ერთი გამამართლებელი განაჩენი, ის არის გია გვიჩიანის განაჩენის ავტორი, რომელიც შემდეგ უდანაშაულო აღმოჩნდა და გათავისუფლდა. თუ ვინმე არის სახე იმ რეპრესიული სისტემის, რომელიც "ოცნებას" უნდა დაემთავრებინა, ეს არის მოსამართლე ნინო სანდოძე და წარდგენილია უზენაეს სასამართლოში. აქ მდგომარეობს "ოცნების" ფარისევლობა, რომელიც თან ვითომ ებრძვის "ნაციონალებს" და როცა აწყობთ, ნიშნავენ მოსამართლეებს, რომლებიც ახორციელებდნენ რეპრესიულ რეჟიმს", - განაცხადა ანა დოლიძემ.

ცნობისათვის, პარლამენტში უზენაესი სასამართლოს მოსამართლეობის კანდიდატებთან დაკავშირებით განხილვები იწყება. დღეს იურიდიულ საკითხთა კომიტეტზე კანდიდატების შესახებ ინფორმაციის მოძიების და მათი მოსმენის პროცედურაზე შეთანხმების საკითხი განიხილეს.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქართული პრესის მიმოხილვა 27.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია