რომან გოცირიძე - ივანიშვილმა ყველაფერი სწორი თქვა - ღარიბაშვილს წარმოდგენა არ აქვს არც ფინანსებზე, არც ეკონომიკაზე, არც სამუშაო ადგილებზე

როგორ არ დავეთანხმოთ იმ ბრძენ კაცს, როგორც ივანიშვილს ღარიბაშვილი მოიხსენიებს - ყველაფერი სწორი თქვა ბერმუდის სასამართლოს მოსამართლისთვის ჩვენების მიცემისას - ღარიბაშვილს წარმოდგენა არ აქვს არც ფინანსებზე, არც ეკონომიკაზე, არც სამუშაო ადგილებზე, - ამის შესახებ „ნაციონალური მოძრაობის“ წევრმა რომან გოცირიძემ განაცხადა.

გოცირიძე მთლიან შიდა პროდუქტზე ირაკლი ღარიბაშვილის დღევანდელ განცხადებებს გამოეხმაურა და მას სისულელე უწოდა. რაც შეეხება სამუშაო ადგილების შექმნაზე ღარიბაშვილის განცხადებას, გოცირიძე მას ურჩევს, კომპიუტერში „საქსტატის“ მონაცემებს ჩახედოს.

„ღარიბაშვილმა განაცხადა, რომ ყოველწლიურად ათიათასობით სამუშაო ადგილებს შევქმნითო, ათი ათასი სამუშაო ადგილის შექმნას სჭირდება ნახევარი მილიარდი ლარის ინვესტიცია, საქართველოში ბოლო 5 წელში შემცირდა დასაქმებულთა რაოდენობა 67 ათასით, ბატონო ღარიბაშვილო ჩაიხედეთ, კომპიუტერი ხომ გაქვთ, დააჭირეთ ღილაკს და ნახეთ სტატისტიკის სახელმწიფო დეპარტამენტის პირველივე გვერდზე დასაქმების ნაწილში წერია ეს, რომ 67 ათასით ნაკლები სამუშაო ადგილია 2015 წელთან შედარებით და ყოველწლიურად მცირდება, რომელი ათი ათასი სამუშაო ადგილის შექმნაზეა საუბარი? ასევე მეორე დიდი სისულელე - მთლიანი შიდა პროდუქტი ისტორიულ მასშტაბებს მიაღწევსო, 65 მილიარდი ლარი გახდებაო, თუ ინფლაცია წელიწადში 100 პროცენტი იქნება, ლარი დოლართან ათჯერ იქნება გაუარესებული, საქართველოს მთლიანი შიდა პროდუქტი გახდება 650 მილიარდი, ისტორიული იქნება, კუპონის დროინდელს დაეწევა, იმ დროს, როცა ერთი დოლარი ერთი მილიარდი კუპონი ღირდა და ეროვნული ბანკის პრეზიდენტი იყო „ქართული ოცნების“ ინფრასტრუქტურის მინისტრი ნოდარ ჯავახიშვილი, რომელიც დღეს აუდიტის სამსახურის თავმჯდომარის მოადგილეა. რატომღაც მე მომაწერენ ამას, როცა ცოცხალი ადამიანი არის ეროვნული ბანკის პრეზიდენტი, რომელმაც ყველა მილიონერი გახადა საქართველოში. არაფერს ნიშნავს 65 მილიარდი“, - განაცხადა გოცირიძემ.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
ქართული პრესის მიმოხილვა 30.06.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
თბილისში დავით ტატიშვილის სამედიცინო ცენტრის კიდევ ერთი ფილიალი გაიხსნა
„ვენდისსა“ და „დანკინში“ „დორას“ „მამალოები“ უკვე წარმატებით იყიდება
კახა ოქრიაშვილი - „ყაველაშვილის ტრიო“ მომავალში მრავალი პოლიტიკური ტრიუკისთვის იქნება გამოყენებული
„ფოთის ახალ საზღვაო ნავსადგურში“ დოკერისა და მძღოლ-ოპერატორების კურსებზე პრაქტიკულ სწავლებას 40-ზე მეტი პირი გადის
„ონისი“ - 3 მეგობრის მიერ დაწყებული გემრიელი ბიზნესი
კარდიოასმაგნე - გულ-სისხლძარღვთა დაავადებების პრევენცია და მკურნალობა
„ლიბერთი“ მასწავლებელთა პოპულარიზაციის გლობალურ კამპანიას უჭერს მხარს
მელიქიშვილის 10 ნომერში სასტუმრო ”რამადა თბილისი” გაიხსნა
სს „ლიბერთი ბანკის“ გენერალურ დირექტორად ბექა გოგიჩაიშვილი დაინიშნა