ლევან დავითაშვილი - მთავრობის მიზანი სამუშაო ადგილების შექმნა და დასაქმების წახალისებაა და არა საბიუჯეტო ხარჯების დაზოგვა და ეკონომია

გარემოს დაცვისა და სოფლის მეურნეობის მინისტრმა ლევან დავითაშვილმა პრემიერ-მინისტრის სოციალურ პოლიტიკასთან დაკავშირებულ დღევანდელ ინიციატივაზე საუბრისას აღნიშნა, რომ მთავრობის მიზანი სამუშაო ადგილების შექმნა და დასაქმების წახალისებაა და არა საბიუჯეტო ხარჯების დაზოგვა და ეკონომია.

„პრემიერ-მინისტრმაც გააჟღერა, რომ ძალიან მნიშვნელოვანია წავახალისოთ შრომა, რათა მეტი კეთილდღეობა მიიღონ ოჯახებმა და არა პირიქით, ეს ადამიანები სტაბილურობის შენარჩუნების გამო უფრთხოდნენ შემოთავაზებებს და სამუშაო პროცესებში ჩართვას. ხაზს გავუსვამ, რომ ჩვენი მიზანი არაა საბიუჯეტო ხარჯების ეკონომიის გაკეთება, ეს არ არის ამოსავალი. ამ ინიციატივის გაჟღერების შემდეგ, დღის განმავლობაში იყო ბევრი კითხვა და ხშირ შემთხვევაში საჭიროა მეტი განმარტება, რომ ჩვენ ერთი მხრივ ვუნარჩუნებთ ადამიანებს ამ შემოსავალს, მაგრამ დამატებით ვაჩენთ დამატებით შესაძლებლობებს, რომ მათ მიიღონ შემოსავალი სხვადასხვა სამუშაოს შესრულებით. ეს იქნება მოკლევადიანი, გრძელვადიანი, სეზონური და ა.შ. იმისთვის, რომ ერთის მხრივ მეტი შემოსავალი ჰქონდეთ ამ ოჯახებს, მეორეს მხრივ მათ მიიღონ გარკვეული კვალიფიკაცია და მე ვფიქრობ, რომ ადამიანები, რომლებიც გადადგამენ პირველ ნაბიჯს, ჩაერთვებიან სამუშაო პროცესში, დაინახავენ კვალიფიკაციის ამაღლების საჭიროებას, რაც პროცესის ნაწილი უნდა იყოს", - განაცხადა ლევან დავითაშვილმა.

მინისტრმა ასევე აღნიშნა, რომ პროცესში ჩართული იქნება განათლების სამინისტრო პროფესიული განათლებით, გათვალისწინებული იქნება გარკვეული ტრენინგები, რათა ადამიანებს ქონდეთ სამუშაოს შესაბამისი კვალიფიკაცია.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 03.12.2021
ირაკლი მელაშვილი - დროა, პოლიტიკოსებმა გააცნობიერონ, რომ მართვის ცენტრალიზებული სისტემა დამაზიანებელია როგორც ქვეყნისთვის, ისე თავად მმართველი პარტიისთვის
შეიძინე სახლი და მიიღე რემონტი საჩუქრად - "იდეა დეველოპმენტში" საჩუქრების ცვენა დაიწყო
კარფური უკვე რუსთავშია - ფრანგული ბრენდის 57 ფილიალი და პირველი ჰიპერმარკეტი ქვემო ქართლში
ბინები ბაკურიანში წინასწარი შენატანის გარეშე და საუკეთესო საახალწლო შეთავაზებით
ლიბერთის პარტნიორობით Future Agro Challenge გაიმართება
ელიტ ელექტრონიქსში წინასაახალწლო კამპანია დაიწყო
სილქნეტის სატელევიზიო აპლიკაციის Silk Go შეთავაზება ახალ მომხმარებლებს - დარეგისტრირდი მობილური ნომრით, უყურე სატელევიზიო ეთერს და მიიღე საჩუქრები