ინოვაციებისა და ტექნოლოგიების სააგენტოს და ფერმერთა ასოციაციის მხარდაჭერით  Future Agro Challenge Georgia იმართება

საქართველოს ინოვაციებისა და ტექნოლოგიების სააგენტოს და საქართველოს ფერმერთა ასოციაციის მხარდაჭერით Future Agro Challenge Georgia იმართება.

როგორც ცნობილია, უკვე მესამე წელია, რაც აღნიშნული პროექტი საქართველოში ხორციელდება.

Future Agro Challenge საერთაშორისო შეჯიბრია, რომლის მიზანი სტარტაპების, ინოვატორების, "აგროპრენერების", ფერმერების, მეწარმეების, აგროტექნოლოგების, აგროტურიზმითა და აგროკულტურით დაინტერესებული პირებს მხარდაჭერა და გაძლიერებაა.

ღონისძიების გენერალური პარტნიორია საქართველოს გარემოს დაცვის და სოფლის მეურნეობის სამინისტრო და „ლიბერთი ბანკი“.

ღონისძიების ორგანიზატორია სტარტაპ ბიურო და „აგრო სოლუშენსი“. ღონისძიება 3, 4 და 5 დეკემბერს ტექნო პარკში გაიმართება.

მონაწილეობის მიღების მსურველებმა რეგისტრაცია 29 ნოემბერს 23:59 საათამდე უნდა გაიარონ შემდეგ ბმულზე: https://facagro.com/compete-apply/

შერჩეული აპლიკანტები 3-5 დეკემბერს მონაწილეობას მიიღებენ ბუთქემფში ინტენსიურ ტრენინგ-პროგრამაში და საკუთარ პროექტებს ჟიურის წინაშე წარადგენენ, ჰაკათონის მონაწილეებსა და ფინალისტებს შორის ნაციონალური გამარჯვებული - "წლის აგროპრენერი" გამოვლინდება.

გამარჯვებული მიიღებს ფულად ჯილდოს 2000 ლარის ოდენობით (საქართველოს ფერმერთა ასოციაციისგან) და წვდომას მსოფლიო კლასის მენტორებთან, ინვესტორებთან, პოტენციურ კლიენტებთან და ახალ საბაზრო შესაძლებლობებთან FAC Global Championship -ზე, უმთავრეს გლობალურ აგროპრენერულ სამიტზე, რომელიც ჩატარდება საბერძნეთში, 2022 წელს.

"ჩვენი სურვილია სტარტაპ ეკოსისტემაში გამოჩნდეს მეტი ახალი აგრო სტარტაპი, რომლებსაც ჩვენ მაქსიმალურად დავეხმარებით სამომავლო განვითარებასა და წარმატების მიღწევაში, მომავლის აგრო გამოწვევა ის პროექტია, რომლითაც ახალ ტალანტებს აღმოვაჩენთ ყოველ წლიურად და მათ მსოფლიოს გავაცნობთ", - განაცხადა სტარტაპ ბიუროს თანადამფუძნებელმა და Future Agro Challenge Georgia -ს თანაორგანიზატორმა, გური ქოიავამ.

"მთელი მსოფლიო თანხმდება, რომ მდგრადი სოფლის მეურნეობა თანამედროვე ტექნოლოგიებზე დგას. Future Agro Challenge სწორედ ის პლატფორმაა, რომელიც აღმოაჩენს, თავს უყრის და აძლიერებს ახალგაზრდების მოტივაციას, რომ ინოვაციების მეშვეობით გადიჭრას მიმდინარე და სამომავლო გამოწვევები", - ამბობს „აგრო სოლუშენსის“ კომერციული დირექტორი და Future Agro Challenge Georgia -ს თანაორგანიზატორი ირაკლი ჩიქავა.

წლევანდელი Future Agro Challenge -ში მონაწილეობას მიიღებენ სპიკერები, რომლებიც ევროპის უმსხვილესი კომპანიების წარმომადგენლები არიან და ონლაინ რეჟიმში ისაუბრებენ მსოფლიოს ყველაზე მწვავე საფრთხეებზე, გამოწვევებზე და ტექნოლოგიურ ინოვაციებზე შემდეგი მიმართულებებით: ფერმის პროგრამული მენეჯმენტი და მისი პრაქტიკული გამოყენება სოფლის მეურნეობაში; სენსორები და მათი მნიშვნელობა სოფლის მეურნეობაში; წყლის და მიწის რესურსები: მათი დეფიციტი და თანამედროვე გამოსავლის გზები მათი ოპტიმალური მოხმარებისთვის; ურბანული მეურნეობა - საკვების წარმოების ახალი გზა; წყლის და მიწის რესურსები: მათი დეფიციტი და თანამედროვე გამოსავლის გზები მათი ოპტიმალური მოხმარებისთვის; საკვები დანაკარგი და მოსავლის აღების ტექნოლოგიები.

Future Agro Challenge Georgia შემდეგ კატეგორიებში გაიმართება: 1) კვების ტექნოლოგია 2) აგრო ტექნოლოგიები (ზუსტი სოფლის მეურნეობა, რობოტიკა, დრონები) 3) აგრომეტყევეობა 4) საკვები/სასმელი (პროდუქცია/რითეილი) 5) კვების უსაფრთხოება/მდგრადობა 6) საკვები ნარჩენები 7) კვება და ჯანმრთელობა 8) უსაფრთხოება და ჯანმრთელობა 9) შეფუთვა და ლოჯისტიკა 10) განათლება სოფლის მეურნეობის მიმართულებით 11) აგროტურიზმი 12) სოფლის მეურნეობის გამოშვება & დამუშავება.

კახა გოგოლაშვილი - იმ ლოგიკით, რა ლოგიკითაც მოქმედებს ხელისუფლება ქვეყნის შიგნით და გარეთ, აზიანებს ქვეყნის ევროპულ პერსპექტივას
ქართული პრესის მიმოხილვა 03.12.2021
იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ელიტ ელექტრონიქსში წინასაახალწლო კამპანია დაიწყო
სილქნეტის სატელევიზიო აპლიკაციის Silk Go შეთავაზება ახალ მომხმარებლებს - დარეგისტრირდი მობილური ნომრით, უყურე სატელევიზიო ეთერს და მიიღე საჩუქრები
კახა ოქრიაშვილი - უკანონოდ დანიშნული მოსამართლეები მართლმსაჯულების სისტემის გარეთ დარჩებიან
გამჭვირვალე და მნიშვნელოვანი ინფორმაციის წყარო მედიკამენტებზე - "ფარმადეპომ" ახალი პორტალი SANDO.COM.GE პრეზენტაცია გამართა
აიღეთ „ვითიბიში“ იპოთეკური სესხი უცხოურ ვალუტაში და მომენტალურად დაიბრუნეთ თანხის 2%
დაადგინეთ თქვენი კომპანიის ციფრული სიმწიფე BDO Digital-თან ერთად
“მწვანე კონცხი ბოტანიკო” საახალწლო აქციის ფარგლებში ბინების ფასდაკლებით შეძენას და საჩუქარს გთავაზობთ
„ავერსის“ თვითმომსახურების აპარატი - სწრაფად, მარტივად, ურიგოდ