გიორგი კანდელაკი - ახლა საქმე გვაქვს ივანიშვილის რეჟიმის მხრიდან „ვარდების რევოლუციის“ შემოქმედების მიმართ რევანშთან, თუმცა ამ ყველაფერს აუცილებლად მოჰყვება რეფორმების ხელახალი ციკლი

„ვარდების რევოლუციამ” სხვა ყველაფერთან ერთად დაამტკიცა, რომ ქრთამი და ასევე, “კანონიერი ქურდი” ქართული კულტურის ნაწილი არ არის, - ამის შესახებ „ევროპული საქართველოს“ წევრმა, გიორგი კანდელაკმა „ვარდების რევოლუციიდან“ 18 წლისთავთან დაკავშირებით ჟურნალისტებს განუცხადა.

როგორც მან აღნიშნა, ახლა „ვარდების რევოლუციის“ შემოქმედების, მათ შორის მიხეილ სააკაშვილის მიმართ ვენდეტა მიმდინარეობს.

„ვარდების რევოლუცია“ სხვა ყველაფერთან ერთად, საბჭოთა კავშირთან წყვეტა იყო და ჩვენი საზოგადოების მცდელობა, რომ ეს ჭიპლარი მოგვეჭრა, საბჭოთა ჭიპლარი, მე ასე ვიტყოდი. ახლა საქმე გვაქვს რაღაც პირუკუ ციკლთან, რევანშთან, ამის გამოხატულებაა ეს ვენდეტაც „ვარდების რევოლუციის“ შემოქმედებთან, მათ შორის მიხეილ სააკაშვილის მიმართ, მაგრამ ამას აუცილებლად მოჰყვება ხელახალი რეფორმების ციკლი. ეროვნული გამოცდები არის „ვარდების რევოლუციის“ ყველაზე ჩაკარგული, კოლოსალური მიღწევა, რომელმაც ჩვენს სოციალურ ქსოვილში გარღვევა მოახდინა. „ვარდების რევოლუციამ“ სხვა ყველაფერთან ერთად, დაამტკიცა, რომ ქრთამი და ასევე, „კანონიერი ქურდი“ ქართული კულტურის ნაწილი არ არის“, - განაცხადა კანდელაკმა.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 06.12.2021
პაატა დავითაია - საკონსტიტუციო ცვლილებებთან დაკავშირებით „ქართული ოცნების“ და „ნაციონალური მოძრაობის“ ინტერესები ემთხვევა - ბარიერის დაწევა აუცილებელია ქართული დემოკრატიის განვითარებისთვის
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“