ირაკლი შოთაძე ამერიკელ ექსპერტს დევიდ მარტინს შეხვდა

საქართველოს გენერალურმა პროკურორმა ირაკლი შოთაძემ, სამართლებრივ საკითხებში ამერიკელ ექსპერტთან დევიდ მარტინთან გაცნობითი ხასიათის შეხვედრა გამართა. გენერალური პროკურატურის ინფორმაციით, შეხვედრას, ასევე ესწრებოდნენ საქართველოს გენერალური პროკურატურის დეპარტამენტების წარმომადგენლები. დევიდ მარტინი გაეცნო ქალთა მიმართ გენდერული ძალადობისა და ოჯახური დანაშაულების წინააღმდეგ ბრძოლის მიმართულებით პროკურატურის პოლიტიკას, პროკურატურის საქმიანობის პრიორიტეტებს, განხორციელებულ რეფორმებს, მიღწეულ პროგრესსა და დაგეგმილ ღონისძიებებს.

„დევიდ მარტინი საქართველოს პროკურატურისა და ამერიკის შეერთებული შტატების საელჩოს ხელშეწყობით, ფულბრაიტის პროგრამის ფარგლებში ჩამოვიდა და სამკვირიანი ვიზიტის ფარგლებში სამუშაო შეხვედრებს გამართავს სპეციალიზებულ პროკურორებთან, მოსამართლეებთან, მოწმისა და დაზარალებულის კოორდინატორებთან, ადვოკატებთან, ქალთა მიმართ ძალადობისა და ოჯახური დანაშაულების საკითხებზე მომუშავე სხვა უწყებებთან. ასევე, ჩაატარებს ტრენერთა ტრენინგს ნაფიც მსაჯულთა სასამართლოს, ოჯახში ძალადობის, სქესობრივი დანაშაულების საკითხებზე სპეციალიზებულ პროკურორებთან. ვიზიტის ფარგლებში დაგეგმილია მულტისექტორული სამუშაო შეხვედრა ქალთა მიმართ გენდერული ძალადობისა და ოჯახური დანაშაულის წინააღმდეგ ბრძოლის თემაზე.

დევიდ მარტინი ამერიკის შეერთებულ შტატებში (სიეტლში, ვაშინგტონის შტატი) 23 წელზე მეტია ხელმძღვანელობს ოჯახში ძალადობის სპეციალიზებულ დეპარტამენტს. მას აქვს მრავალფეროვანი გამოცდილება როგორც აკადემიური, ისე პრაქტიკული საქმიანობის კუთხით. დევიდ მარტინი ოჯახში ძალადობის შესახებ კანონების და კანონქვემდებარე აქტების, ავტორია, ასევე აღდგენითი მართლსამჯულების სფეროში დანერგილი აქვს ინოვაციური რეფორმები და დღემდე აქტიურად ახორციელებს საპროკურორო საქმიანობას სპეციალიზებულ დანაყოფში“, - ნათქვამია უწყების მიერ გავრცელებულ ინფორმაციაში.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება