ანრი ოხანაშვილი - „ქართული ოცნების" მხრიდან კითხვის ნიშნის ქვეშ არასდროს დამდგარა სტრასბურგის სასამართლოს გადაწყვეტილება, თუ ვინმეს მხრიდან დგება კითხვის ნიშნის ქვეშ, ეს „ნაცმოძრაობაა"

„ქართული ოცნების" გუნდის მხრიდან კითხვის ნიშნის ქვეშ ვერ დადგება და არასდროს დამდგარა სტრასბურგის სასამართლოს რომელიმე გადაწყვეტილება, თუკი ვინმეს მხრიდან კითხვის ნიშნის ქვეშ დგება სტრასბურგის გადაწყვეტილებები, ეს არის „ნაციონალური მოძრაობა," ეს ადამიანები თავს ესხმიან სტრასბურგს და მის გადაწყვეტილებებს,- ამის შესახებ იურიდიულ საკითხთა კომიტეტის თავმჯდომარე ანრი ოხანაშვილმა განაცხადა, რითაც სტრასბურგის სასამართლოს 19 ნოემბრის წერილს გამოეხმაურა.

მისი თქმით, მათი პოზიცია თავიდანვე იყო ცნობილი, რომ სტრასბურგის გადაწყვეტილება შესრულდებოდა.

„ჩვენ სტრასბურგის ნებისმიერ გადაწყვეტილებას ვითვალისწინებთ, პატივს ვცემთ და ვახდენთ მის იმპლემენტაციას, შესაბამისად, საუბარი ვინ, ვის რა წერილი მისწერა, რა პასუხი მოვიდა, აბსოლუტურად უადგილოა მარტივი მიზეზის გამო, რომ ჩვენ თავდაპირველადვე განვაცხადეთ, რომ სრულად შევასრულებდით სტრასბურგის გადაწყვეტილებას და სისრულეში მოვიყვანდით ნებისმიერი საჭიროებიდან გამომდინარე, რაც დადგებოდა დღის წესრიგში. წერილებზე კომენტარები აზრს მოკლებულია, მნიშვნელობა არ აქვს, რადგან კითხვის ნიშნის ქვეშ ვერ დადგება და არასდროს დამდგარა "ქართული ოცნების" გუნდის მხრიდან სტრასბურგის სასამართლოს რომელიმე გადაწყვეტილება, თუკი ვინმეს მხრიდან კითხვის ნიშნის ქვეშ დგება სტრასბურგის გადაწყვეტილებები ეს არის „ნაციონალური მოძრაობა“, მაგალითად, „რუსთავი 2"- ის საქმეზე, გირგვლიანის საქმეზე და ა.შ. ეს ადამიანები თავს ესხმიან სტრასბურგს და მის გადაწყვეტილებებს, ხოლო „ქართული ოცნება" ყოველთვის არის მტკიცედ იმ აზრზე, რომ ჩვენ ყველა გადაწყვეტილებას შევასრულებთ", - განაცხადა ოხანაშვილმა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს