ამირან გამყრელიძის განცხადებით, დღეს მოსახლეობის 90-95%-მა რომ ატაროს პირბადე, ამით იანვრამდე 200-300 ადამიანის სიცოცხლე გადარჩება

პირბადე დღეს ყველამ რომ ვატაროთ, მოსახლეობის 90%-95%-მა, მარტო ამით იანვრამდე დავზოგავთ კიდევ 200-300 ადამიანის სიცოცხლეს,- ამის შესახებ დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა ამირან გამყრელიძემ საკოორდინაციო საბჭოს სხდომის დასრულების შემდეგ განაცხადა.

მან ამასთანავე, აღნიშნა, რომ პანდემიის მართვა არ არის მხოლოდ იმ ადამიანების პასუხისმგებლობა, ვინც ამას მართავს, რადგან გამოცდილებამ აჩვენა, რომ ქვეყანაში ყველაზე კარგად ვირუსის გავრცელება მაშინ იმართებოდა, როდესაც საზოგადოება მაქსიმალურად სოლიდარული და დამყოლი იყო.

„ხარვეზები ყველაფერში არის. პანდემიის მართვა ეს არ არის მარტო იმ ადამიანების პასუხისმგებლობა, ვინც ამას მართავენ, აქ უნდა იყოს სერიოზული დამყოლობა. როდესაც დამყოლობა იყო უკეთესი, შარშან გაზაფხულზე, როდესაც ჩვენ ყველა ვიყავით ერთად, იყო დიდი სოლიდარობა ქვეყანაში პანდემიის მართვასთან დაკავშირებით და საზოგადოება ვიყავით ერთიანი, მაშინ პანდემია იმართებოდა.

სამწუხაროდ, ეპიდმაჩვენებლები გვიუარესდება ქვეყანაში, რაც არ არის კარგი. ის, რომ პირბადის ტარების მაჩვენებელი გვაქვს ძალიან დაბალი და აღსრულება არ არის, მე ამას ხშირად აღვნიშნავ და ეს არის ერთ-ერთი ხარვეზი. უნდა მოეთხოვოს პასუხი ყველას, ვინც აღსრულებაზეა პასუხისმგებელი, მაგრამ მე ხშირად გეუბნებით, მარტო შოლტის და მათრახის პრინციპი არ მუშაობს. უკვე 2 წელი გავიდა და უნდა გვესწავლა და ვისწავლოთ, რომ ეს უმარტივესი, რაც არის როგორმე ყველამ ვატაროთ. ჩვენ რომ ყველა ვიყოთ სოლიდარული და პირბადე დღეს ყველამ ვატაროთ, მოსახლეობის 90%-95%-მა, ჩვენ იანვრამდე დავზოგავთ კიდევ 200-300 ადამიანის სიცოცხლეს მარტო ამით. ხომ შეიძლება ეს შევიგნოთ, გავითავისოთ და გავაკეთოთ. მარტო ის, რომ მე თქვენ დაგადგეთ თავზე და გინდა თუ არა დაგაჯარიმოთ, დაგიჭიროთ, არ მუშაობს, ბატონო, ეს“, - განაცხადა ამირან გამყრელიძემ.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა