სამწუხაროდ, ეს ტრაგიკული ფაქტი, რომელიც მოხდა არის ამ ერთიანი ჯაჭვის შემადგენელი, რომელშიც მოიაზრება მოსყიდვა და დაშინება ოპოზიციური საკრებულოების სურათის შესაცვლელად, - ამის შესახებ „ევროპული საქართველოს“ წევრმა ვახტანგ კალოიანმა განაცხადა, რითაც ბათუმში საკრებულოს გარდაცვლილ დეპუტატ, ნუგზარ ფუტკარაძესთან დაკავშირებით „ნაციონალურ მოძრაობაში“ დღეს გაკეთებულ განცხადებას გამოეხმაურა.
მისივე განცხადებით, "ქართული ოცნება" ცდილობს იქ , სადაც ოპოზიციაა გამარჯვებული, რეალური სურათი შეცვალოს.
"ქართული ოცნება" ცდილობს ყველგან შეცვალოს რეალური სურათი იმ საკრებულოებში, სადაც ოპოზიციამ ამ ეტაპეზე გაიმარჯვა. ძალიან მნიშვნელოვანია დროული და სანდო გამოძიება, რათა დასრულდეს ზეწოლის მოსყიდვის და სხვა არაკანონიერი მეთოდების გამოყენება ჩვენი მოსახლეობის რეალური ნების შეცვლისთვის“, - აცხადებს ვახტანგ კალოიანი.