თბილისის მე-200 საჯარო სკოლაში სპეციალური საგანმანათლებლო საჭიროების მქონე მოსწავლეებისთვის სენსორული ოთახი მოეწყო

საქართველოს განათლებისა და მეცნიერების სამინისტროს ინიციატივითა და World Vision საქართველოს მხარდაჭერით, თბილისის N200 საჯარო სკოლაში სენსორული ოთახი მოეწყო, რომელიც ინტელექტუალური და ფიზიკური განვითარების მრავლობითი დარღვევების მქონე მოსწავლეებს შეგრძნებების სტიმულაციის მეშვეობით სწავლის პროცესში დაეხმარება, - ამის შესახებ ინფორმაციას საქართველოს განათლებისა და მეცნიერების სამინისტრო ავრცელებს.

მათივე ცნობით, მულტისენსორული სივრცე საქართველოს განათლებისა და მეცნიერების მინისტრის პირველმა მოადგილემ ეკატერინე დგებუაძემ World Vision საქართველოს დირექტორ ეკატერინე გურგენაძესთან ერთად გახსნა.

„სენსორული ოთახის მოწყობასთან ერთად World Vision საქართველოს თბილისის ურბანული პროგრამის ფარგლებში მასწავლებლების გადამზადების პროექტიც განხორციელდა, რომელიც მე-200 სკოლის 20 მასწავლებლისთვის 40-საათიანი სასწავლო კურსის ჩატარებას მოიცავდა. კურსი „სენსორული ინტეგრაციის ელემენტების გამოყენება საგანმანათლებლო სივრცეში“ მასწავლებელთა გადამზადებას გულისხმობდა, მულტისენსორულ ოთახში არსებული რესურსების გამოყენებით, მოსწავლეებისთვის შესაბამისი საგანმანათლებლო გარემოს შექმნის უზრუნველყოფის მიმართულებით.

ღონისძიების ფარგლებში ეკატერინე დგებუაძემ გადამზადებულ მასწავლებლებს შესაბამისი სერტიფიკატები გადასცა, მათ კურსის წარმატებით დასრულება პირადად მიულოცა და მოსწავლეთა განვითარებაში შეტანილი წვლილისთვის მადლობა გადაუხადა.

ეკატერინე დგებუაძემ მადლობა გადაუხადა World Vision საქართველოს განათლების სფეროს მხარდაჭერისთვის განსაკუთრებით კი, ინკლუზიური განათლების განვითარების ხელშეწყობისთვის. მისი თქმით, უკანასკნელ წლებში არსებული პარტნიორობის ფარგლებში მრავალი წარმატებული პროგრამა განხორციელდა და მომავალში სამინისტრო World Vision საქართველოსთან ერთად კიდევ არაერთ მნიშვნელოვან პროექტს გეგმავს.

ეკატერინე დგებუაძემ სპეციალური საგანმანათლებლო საჭიროების მქონე მოსწავლეების სწავლების ხელშეწყობის კუთხით სკოლებში კეთილმოწყობილი საგანმანათლებლო გარემოსა და მაღალკვალიფიციური კადრების არსებობის მნიშვნელობას გაუსვა ხაზი. როგორც მან აღნიშნა, სენსორული ოთახისა და მასწავლებელთა გადამზადების პროგრამა ემსახურება უმნიშვნელოვანეს მიზანს – მოსწავლეებისთვის ხარისხიან განათლებაზე ხელმისაწვდომობის უზრუნველყოფას, რაც სამინისტროს უმთავრეს პრიორიტეტს წარმოადგენს.

განათლებისა და მეცნიერების სამინისტროსა და World Vision საქართველოს ერთობლივი პროექტის ფარგლებში მოწყობილი მულტისენსორული ოთახი წარმოადგენს მრავალფეროვანი აღჭურვილობის მქონე თერაპიულ სივრცეს სპეციალური საგანმანათლებლო საჭიროების მქონე მოსწავლეებისთვის. ოთახში განთავსებული რესურსები მოზარდებს შესაძლებლობას მისცემს, შეხების, დანახვის, გემოს შეგრძნებისა თუ სხვა სენსორული სტიმულების მეშვეობით დაეუფლონ სხვადასხვა უნარებს, უკეთ ჩაერთონ სასწავლო პროცესში და გაიუმჯობესონ ყურადღების კონცენტრაცია. ამასთან, მოზარდებს მიეცემა საშუალება მარტივად ისწავლონ მიზეზშედეგობრივი კავშირები, რათა შეძლონ დასწავლილი ქმედებების ყოველდღიურ ცხოვრებაში გამოყენება“, - ნათქვამია გავრცელებულ ინფორმაციაში.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს