ანრი ოხანაშვილი ჟურნალისტებს - შეგიძლიათ დაასახელოთ საკითხი, რომელზეც "ნაცმოძრაობა" არ აცხადებს ბოიკოტს? მალე საკუთარ თავს გამოუცხადებენ ბოიკოტს

შეგიძლიათ დაასახელოთ საკითხი, რომელზეც "ნაციონალური მოძრაობა" არ აცხადებს ბოიკოტს? - მგონი საკუთარ თავს გამოუცხადებენ მალე ბოიკოტს, მილევად რეჟიმში არიან, - ამის შესახებ ჟურნალისტებთან იურიდიულ საკითხთა კომიტეტის თავმჯდომარე ანრი ოხანაშვილმა განაცხადა, რითაც უზენაესი სასამართლოს მოსამართლეების დანიშვნის პროცესისთვის ოპოზიციის ნაწილის ბოიკოტს გამოეხმაურა.

როგორც მან აღნიშნა, პროცესი, რომელიც პარლამენტში წარიმართება უპრეცედენტოა და 2019 წლამდე მოსამართლეთა არჩევის ასეთი გამჭვირვალე ფორმა არ არსებობდა.

"დღეს ოპოზიციის ყველა წარმომადგენელს, საპარლამენტო უმრავლესობას ექნება შესაძლებლობა, გაესაუბრონ წარმოდგენილ კანდიდატებს. იქნება შეკითხვები კომპეტენციასთან დაკავშირებით, ასევე საკითხებზე, რომელიც უკავშირდება შესაბამისი მოსამართლის ბიოგრაფიას და ეს პროცესი არის მაქსიმალურად გამჭვირვალე, რომელშიც მონაწილეობენ არასაპარლამენტო სუბიექტები, სახალხო დამცველის წარმომადგენლები, ადვოკატთა ასოციაციის, იურიდიული დახმარების სამსახურის ხელმძღვანელი და აკადემიური სფეროს წარმომადგენლები, ასევე, არასამთავრობო ორგანიზაციებს ექნებათ შესაძლებლობა დასვან შეკითხვები. ეს პროცესი არის უპრეცენდენტო, საქართველოს ისტორიაში უზენაესი სასამართლოს მოსამართლეთა არჩევის ასეთი გამჭვირვალე ფორმა არ არსებობდა 2019 წლამდე და ჩვენ შევძელით მიგვეღწია ასეთი გამჭვირვალე პროცესის წარმართვისთვის. მას შემდეგ, რაც დავასრულებთ მოსმენებს, გადავწყვეტთ გუნდი, როდის იქნება მიზანშეწონილი კენჭისყრების ჩატარება", - განაცხადა ოხანაშვილმა.

ის ასევე გამოეხმაურა არასამთავრობო ორგანიზაციებისა და ოპოზიციის ნაწილის ბოიკოტს და აღნიშნა, რომ როგორც არასამთავრობო ორგანიზაციების, ასევე ოპოზიციური პარტიების ნაწილი განხილვას ესწრება.

"შეგიძლიათ დაასახელოთ საკითხი, რომელზეც "ნაციონალური მოძრაობა" არ აცხადებს ბოიკოტს. მგონი საკუთარ თავს გამოუცხადებენ მალე ბოიკოტს. პოლიტიკის მიღმა არიან გასულები, ეს მათი არჩევანია, მილევად რეჟიმში არიან და ეს ჩვენთვის არაფერს ნიშნავს. რაც შეეხება არასამთავრობო სექტორს, მათი წარმომადგენლები დაესწრებიან განხილვას, ეს ერთმანეთში შეუძლიათ გაარკვიონ, რომელი არასამთავრობო ორგანიზაცია რა პოზიციას აჟღერებს, თუ ცალკეულ ორგანიზაციებზე აპირებთ მესაუბროთ, უკვე არასერიოზულია,"- განაცხადა ოხანაშვილმა.

დღეს იურიდიულ საკითხთა კომიტეტში უზენაესი სასამართლოს მოსამართლეობის კანდიდატებთან გასაუბრების პროცესი დაიწყო. კომიტეტზე ახლა გენადი მაკარიძეს უსმენენ, დღის მეორე ნახევარში კი კიდევ ერთი კანდიდატის, თამარ ოქროპირიძის მოსმენაა დაგეგმილი.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 06.12.2021
პაატა დავითაია - საკონსტიტუციო ცვლილებებთან დაკავშირებით „ქართული ოცნების“ და „ნაციონალური მოძრაობის“ ინტერესები ემთხვევა - ბარიერის დაწევა აუცილებელია ქართული დემოკრატიის განვითარებისთვის
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“