ხათუნა სამნიძე - #freemisha კამპანია არ არის ოპოზიციური პარტიების დღის წესრიგი - ვფიქრობ, მიხეილ სააკაშვილმა დაინახა, რომ ეს არის ცალკე გასაკეთებელი კამპანია

#freemisha კამპანია არ არის ოპოზიციური პარტიების დღის წესრიგი, ვფიქრობ, ეს დაინახა მესამე პრეზიდენტმა და თვლის, რომ ეს არის ცალკე გასაკეთებელი კამპანია, - ამის შესახებ "რესპუბლიკური პარტიის" ლიდერმა ხათუნა სამნიძემ ჟურნალისტებთან განაცხადა.

მისი თქმით, სააკაშვილის გათავისუფლების კამპანია "ნაციონალურ მოძრაობასთან" არის დაკავშირებული, ხოლო მთლიანად ოპოზიციის დღის წესრიგი ახლა რიგგარეშე არჩევნების საკითხზე ორიენტირება უნდა იყოს.

„მე ამ იდეის დეტალები არ ვიცი, მაგრამ #freemisha კამპანია, მიშას გათავისუფლება არის მოთხოვნა, რომელიც უკავშირდება მიხეილ სააკაშვილის მხარდამჭერებს, „ნაციონალურ მოძრაობას“ და არ არის ოპოზიციური პარტიების დღის წესრიგი. ვფიქრობ, რომ ეს დაინახა მესამე პრეზიდენტმა და ის თვლის, რომ ეს არის ცალკე გასაკეთებელი კამპანია.

დღევანდელი პოლიტიკური დღის წესრიგი არის ის, რომ შევძლოთ და მოვიპოვოთ რიგგარეშე არჩევნები, მაგრამ მე ვფიქრობ და ამ შემთხვევაში ვსაუბრობ „რესპუბლიკური პარტიის“ სახელით, რომ სანამ რიგგარეშე არჩევნების მოპოვებას შევძლებთ, სასიცოცხლოს მნიშვნელოვანია სწორედ ოპოზიციური პარტიების თანამშრომლობით ქართულმა ოცნებამ კენჭისყრაზე დასვას საკონსტიტუციო ცვლილებები და ჩვენ მივიღოთ ეს ცვლილებები,“ - განაცხადა სამნიძემ.

ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს
ქართული პრესის მიმოხილვა 11.08.2022
გიორგი კუნაძე - რუსეთის რეჟიმის  კრახი გარდაუვალია, დღეს უკვე ცხადად ჩანს, რომ ეს მხოლოდ დროის საკითხია
საქართველოს უძრავი ქონების პირველად ბაზარზე ფასების ცვლილების დინამიკა 2022 წლის ზაფხული (R)
სს ლიბერთი ბანკის საცალო საბანკო საქმის მიმართულების დირექტორად თორნიკე კორძაია დაინიშნა
USAID-ის პროგრამის ,,დამსაქმებლები პროფესიული განათლებისთვის’’ და  ,,ტრანსფორდის“ ერთობლივი ინიციატივით 43 ადამიანი დასაქმდა