პაატა მანჯგალაძე - ეს არის კვაზი პროცესი მოსამართლეების შერჩევის, ჯიბის სასამართლოს შერჩევაში მონაწილეობას ვერ მივიღებთ!

ეს არის კვაზი პროცესი მოსამართლეების შერჩევის, ჯიბის სასამართლოს შერჩევაში მონაწილეობას ვერ მივიღებთ, - ამის შესახებ "სტრატეგია აღმაშენებლის" დეპუტატმა პაატა მანჯგალაძემ განაცხადა, რითაც იურიდიულ საკითხთა კომიტეტში მოსამართლეობის კანდიდატებთან გასაუბრების პროცესს გამოეხმაურა.

მანჯგალაძის თქმით, პროცესი ფორმალურია და მასში მონაწილეობას არანაირი აზრი არ აქვს.

"ვეთანხმები ევროკავშირის ელჩის ყველა სიტყვას. ეს პროცესი არ არის ის პროცესი, რაც საქართველოს მოუტანს თავისუფალ და სამართლიან სასამართლოს, ეს არის ჯიბის მოსამართლეების დანიშვნა ჯიბის სასამართლოში. ეს არის ფორმალური პროცესი, მოვალეობის მოხდის მიზნით ფორმალურად უსვამენ კითხვებს მოსამართლეებს და ამით არც კეთილსინდისერების ტესტის დადგენა და პროფესიონალიზმის შემოწმება არ ხდება,"- განაცხადა მანჯაგალაძემ.

„უზენაესი სასამართლოს მოსამართლეების კანდიდატების მოსმენის პროცესის დასაკვირვებლად პარლამენტში მიგვიწვიეს, რაზედაც უარი ვთქვით იმ უბრალო მიზეზის გამო, რომ ეს არის იმ პროცესის ნაწილი, რაზედაც აპრილის შემდეგ ვაკეთებთ კომენტარს და რასთან დაკავშირებითაც გვაქვს წუხილი, რომ არ შეესაბამება 19 აპრილის შეთანხმებას და არც ევროკავშირის მიკროსაფინანსო დახმარების მისაღებად წაყენებულ პირობებს“, - ამის შესახებ საქართველოში ევროკავშირის ელჩმა კარლ ჰარცელმა განაცხადა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს