პირები, ვისაც დაურეგისტრირებელი მოპედები ჰყავთ, ქუჩაში გადაადგილებას 2022 წლის 28 მარტიდან ვერ შეძლებენ

მომსახურების სააგენტოს დირექტორის მოადგილის, იმედა მაკასარაშვილის განცხადებით, 2022 წლის 28 მარტიდან მოპედის რეგისტრაცია სავალდებულო ხდება და შესაბამისად, 28 მარტიდან, ის პირები, ვისაც დაურეგისტრირებელი მოპედები ჰყავთ, ქუჩაში გადაადგილებას ვერ შეძლებენ.

როგორც „ინტერპრესნიუსს“ იმედა მაკასარაშვილმა განუცხადა, მოპედის რეგისტრაციის ვალდებულებამდე ნებისმიერ მსურველს შეუძლია მიმართოს მომსახურების სააგენტოს სერვისებს და დაარეგისტრიროს მის საკუთრებაში მყოფი მოპედი.

„ ეს არის ნებაყოფლობითი პერიოდი და ამ პერიოდში ნებისმიერ მსურველს შესაძლებლობა ექნება სააგენტოში გააფორმოს მისი კუთვნილი მოპედი. ამ პეროდში, ასევე ისარგებლებლებს შეღავათით და მოპედის რეგისტრაცია ნაცვლად ჯამში 60 ლარისა იქნება 40 ლარი. რაც შეეხება მართვის მოწმობის აღებას, კანონის ძალაში შევლის დღიდან ჩვენ უკვე შევძლებთ ჩავიბაროთ შესაბამისი კატეგორიის გამოცდები. ე.ი. იმ პირებს, ვისაც ჯერ კიდევ არ აქვთ არცერთი კატეგორიის მართვის მოწმობა და სურთ ატარონ მოპედი, მათ ვალდებულება ექნებათ აიღონ - AM კატეგორიის მართვის უფლება, რაც გულისხმობს მოპედისა და მსუბუქი კვადროციკლის მართვის უფლებას. ამ პირებს გამოცდაზე გასვლის შესაძლებლობა ექნებათ კანონის ძალაში შესვლის დღიდან. ეს დაახლოებით არის, 2021 წლის 7-8 დეკემბერი. კანონი უკვე გამოქვეყნებულია და შესაძლებლობა ექნებათ უკვე 8 დეკემბრიდან გავიდნენ გამოცდაზე და ჩააბარონ გამოცდა, მაგრამ ეს სავალდებულო ხდება 2022 წლის 28 მარტიდან.

ხოლო იმ პირებს, ვისაც ნებისმიერი კატეგორიის მართვის მოწმობა უკვე აქვთ, მათზე ავტომატურად გავრცელდება მოპედისა და კვადროციკლის მართვის უფლება, მათ გამოცდის ჩაბარება დამატებით არ დასჭირდებათ“,- აცხადებს იმედა მაკასარაშვილი.

კახა გოგოლაშვილი - იმ ლოგიკით, რა ლოგიკითაც მოქმედებს ხელისუფლება ქვეყნის შიგნით და გარეთ, აზიანებს ქვეყნის ევროპულ პერსპექტივას
ქართული პრესის მიმოხილვა 03.12.2021
იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ელიტ ელექტრონიქსში წინასაახალწლო კამპანია დაიწყო
სილქნეტის სატელევიზიო აპლიკაციის Silk Go შეთავაზება ახალ მომხმარებლებს - დარეგისტრირდი მობილური ნომრით, უყურე სატელევიზიო ეთერს და მიიღე საჩუქრები
კახა ოქრიაშვილი - უკანონოდ დანიშნული მოსამართლეები მართლმსაჯულების სისტემის გარეთ დარჩებიან
გამჭვირვალე და მნიშვნელოვანი ინფორმაციის წყარო მედიკამენტებზე - "ფარმადეპომ" ახალი პორტალი SANDO.COM.GE პრეზენტაცია გამართა
აიღეთ „ვითიბიში“ იპოთეკური სესხი უცხოურ ვალუტაში და მომენტალურად დაიბრუნეთ თანხის 2%
დაადგინეთ თქვენი კომპანიის ციფრული სიმწიფე BDO Digital-თან ერთად
“მწვანე კონცხი ბოტანიკო” საახალწლო აქციის ფარგლებში ბინების ფასდაკლებით შეძენას და საჩუქარს გთავაზობთ
„ავერსის“ თვითმომსახურების აპარატი - სწრაფად, მარტივად, ურიგოდ