ანრი ოხანაშვილი - ანა ნაცვლიშვილის ოჯახი სტრასბურგში დაობდა, რომ სააკაშვილმა მისი მშობელი უკანონოდ დაიჭირა, დღეს ეს ადამიანი იმ ძალის გვერდით დგას, რომელსაც ტერორს ედავებოდა

ანა ნაცვილიშვილი არის ადამიანი, რომელსაც თავის დროზე მოსწონდა ყოფილი პრეზიდენტის მიერ უზენაეს სასამართლოში მოსამართლის ერთპიროვნულად დანიშვნის წესი. ესენი არიან პოლიტიკოსებად წოდებული ადამიანები, რომლებიც დაცლილი არიან ჯანსაღი მიდგომისგან, ეთიკურობისგან, კულტურისგან, რომ პატივი სცე ადამიანს, თუნდაც არ მოგწონდეს კონკრეტული აზრი, - ამის შესახებ იურიდიული კომიტეტის თავმჯდომარემ ანრი ოხანაშვილმა „ლელოს“ წევრ ანა ნაცვლიშვილის განცხადების საპასუხოდ განაცხადა, რომელიც უზენაესი სასამართლოს მოსამართლეების არჩევასა და გასაუბრებას ეხებოდა.

მისივე თქმით, ანა ნაცვილიშვილი არის ადამიანი, რომლის ოჯახიც მიხეილ სააკაშვილს უკანონო ტერორში ადანაშაულებდა, სტრასბურგში უჩიოდა, დღეს კი მის გვერდით არის.

„დემოკრატიულობას ქადაგებენ და განსხვავებულ აზრს როცა აფიქსირებ, შენ მიუღებელი ხარ. როგორც კი განსხვავებულ აზრს აფიქსირებ, ხარ მათი მტერი. ეს არის მიდგომა და დამოკიდებულება. ეს ადამიანი გახლავთ ის ადამიანი, რომელსაც თავის დროზე მოსწონდა ყოფილი პრეზიდენტის მიერ უზენაეს სასამართლოში მოსამართლის ერთპიროვნულად დანიშვნის წესი. თუ გახსოვთ ამ ადამიანის ერთი კრიტიკული დამოკიდებულება ყოფილი პრეზიდენტი რა ფორმით იღებდა გადაწყვეტილებას, ვისთან გადიოდა კონსულტაციას, გამჭვირვალედ რომ არ წარიმართებოდა და რომ ხდებოდა გამწესება, ამ ადამიანის ხმა ამოღებული გინახავთ? ეს არის ორმაგი სტანდარტი. რადგან თვითონ არ შეცვალეს ეს წესი და თვითონ არ არიან უმრავლესობაში, ე.ი ფარსია, სპექტაკლი ვინ მოაწყო კი ნახეთ. შესაბამის პარტიული ტელევიზიების ეთერებში იხილავთ ამ ყალბ პათოსს, როგორი ცეცხლი დაანთო ანამ. ეს ის ადამიანია, „ნაცვლიშვილი - ტოგონიძის ქეისი“ გახსოვთ, სადაც ანა ნაცვლიშვილის მშობლები მიხეილ სააკაშვილს ეუბნებოდნენ, რომ მან დაატერორა მათი ოჯახი. დღეს მათ გვერდით არიან. ეს არის ღირებულებითი კონტექსტი. ყველაფერი ცხადია. არ ღირს პოლემიკაში შესვლა. მშვიდობიან გზას ვუსურვებ ანას, „ლელოს“ „ნაციონალურ მოძრაობასთან“ ერთად, რომლებსაც არასდროს ექნებათ ხელისუფლებაში დაბრუნების შესაძლებლობა.

ჩვენ გვესაუბრებიან, აპროტესტებენ და ა.შ რეალურად კი მუდმივ ბოიკოტის რეჟიმში არიან. ეს ბოიკოტი კი არ არის, ეს არის საბოტაჟი ქვეყნის კონსტიტუციური ორგანოსადმი. უკვე იმდენად შესულები არიან ამ ეშხში, ამ საშიშ საბოტაჟის რეჟიმში, რომ ყველაფერს უცხადებენ ე.წ. ბოიკოტს და დარწმუნებული ვარ, მალე საკუთარ თავსაც გამოუცხადებენ ბოიკოტს, ამით დაასრულებელ ამ პოლიტიკურ საქმიანობას. როცა ანა ნაცვლიშვილი იუსტიციის უმაღლესი საბჭოს წევრების არჩევნის საკითხზე საუბრობს, ერთი კონკრეტული ფაქტი დაასახელონ ოპოზიციის წარმომადგენლებმა როდის მოვიდნენ, როდის გვითხრეს რომ დაგვეწყო ეს პროცედურა? ხომ არ გვაქვს რესურსი, რომ კონსესუსზე დაფუძნებით კანდიდატები შევარჩიოთ? გესაუბრებიან იმაზე, რატომ არ აკეთებთო და თან გესაუბრებიან იმაზე, კონსესუსით გავაკეთოთო. ამასთანავე, ელემენტარულ ნაბიჯს არ დგამენ რომ ვიმსჯელოთ. სამუშაო ჯგუფი რომ შევქმენით, სადაც შეგვეძლო სასამართლოსთან დაკავშირებით იდეები ერთმანეთისთვის გაგვეზიარებინა, ერთი კონკრეტული იდეა არ მოუწერიათ, რა არ მოწონთ, როგორ უნდა შეგვეცვალა, გარდა იმ აბსურდისა, როგორ ნოვაციებსაც გვთავაზობენ და ამით კონსტიტუციას ეწინააღმდეგებიან. ანას ოჯახი საკმაოდ სამართლიანად დაობდა სტრასბურგში, რომ სააკაშვილმა მისი მშობელი უკანონოდ დაიჭირა და დღეს ეს ადამიანი დგას იმ ძალის გვერდით, რომელსაც რამდენიმე წლის მის ოჯახზე განხორციელებულ უკანონო ტერორს ედავებოდა. აქ ხომ ფაქტები მეტყველებენ,“- განაცხადა ანრი ოხანაშვილმა.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 03.12.2021
ირაკლი მელაშვილი - დროა, პოლიტიკოსებმა გააცნობიერონ, რომ მართვის ცენტრალიზებული სისტემა დამაზიანებელია როგორც ქვეყნისთვის, ისე თავად მმართველი პარტიისთვის
შეიძინე სახლი და მიიღე რემონტი საჩუქრად - "იდეა დეველოპმენტში" საჩუქრების ცვენა დაიწყო
კარფური უკვე რუსთავშია - ფრანგული ბრენდის 57 ფილიალი და პირველი ჰიპერმარკეტი ქვემო ქართლში
ბინები ბაკურიანში წინასწარი შენატანის გარეშე და საუკეთესო საახალწლო შეთავაზებით
ლიბერთის პარტნიორობით Future Agro Challenge გაიმართება
ელიტ ელექტრონიქსში წინასაახალწლო კამპანია დაიწყო
სილქნეტის სატელევიზიო აპლიკაციის Silk Go შეთავაზება ახალ მომხმარებლებს - დარეგისტრირდი მობილური ნომრით, უყურე სატელევიზიო ეთერს და მიიღე საჩუქრები