პაატა იმნაძე - ადამიანების საკმაოდ დიდი ჯგუფია, რომელიც არათუ თვითონ არ იცრება, არამედ სხვებსაც გონებას ურევს

დაავადებათა კონტროლის ეროვნული ცენტრის დირექტორის მოადგილის პაატა იმნაძის შეფასებით, პრობლემაა ის, რომ მოქალაქეების ნაწილი ჯერ კიდევ არ იცრება. როგორც მან ჟურნალისტებს განუცხადა, ხელისუფლება ანტივაქსერულ განცხადებებს აქტიურ კამპანიას უპირისპირებს.

"პრობლემა იგივეა, რაც იყო. არის ადამიანების საკმაოდ დიდი ჯგუფი, რომელიც არათუ თვითონ არ იცრება, არამედ სხვებსაც გონებას ურევს. სამწუხაროდ, მათ მედიაში თავიანთი ანტივაქსერული პროპაგანდის განხორციელების საშუალება ეძლევათ, რაც პრობლემაა. ამას ვუპირისპირებთ იმას, რომ სოფელ-სოფელ დავდივართ, ხელისუფლებაც სოფელ-სოფელ დადის",-განაცხადა იმნაძემ.

გარდა ამისა, მან ე.წ. შავ პარასკევთან დაკავშირებით მოსახლეობას რეკომენდაციების დაცვისკენ მოუწოდა.

"მოქალაქეებს ვურჩევ, იყვნენ აცრილები, ეკეთოთ პირბადე და დაიცვან დისტანცია",-განაცხადა იმნაძემ.

ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს
ქართული პრესის მიმოხილვა 11.08.2022
გიორგი კუნაძე - რუსეთის რეჟიმის  კრახი გარდაუვალია, დღეს უკვე ცხადად ჩანს, რომ ეს მხოლოდ დროის საკითხია