სამცხე-ჯავახეთის 10 სოფლის მოსახლეობასთან ვაქცინაციის მხარდამჭერი საინფორმაციო შეხვედრები მიმდინარეობს

საყოველთაო ვაქცინაციის კამპანიის “ვიცრებით ერთმანეთისთვის” ფარგლებში, ვაქცინაციის მხარდამჭერ საინფორმაციო შეხვედრებს საქართველოს სხვადასხვა რეგიონში, რომელიც ჯანდაცვის სამინისტროსა და დაავადებათა კონტროლის და საზოგადოებრივი ჯანმრთელობის ეროვნული ცენტრის ინიციატივით ხორციელდება, საერთაშორისო დონორებიც შეუერთდნენ. ამის შესახებ ინფორმაციას ჯანდაცვის სამინისტრო ავრცელებს.

მათივე ინფორმაციით, კამპანიის ფარგლებში, მსოფლიო ბანკის და USAID-ის მხარდაჭერით, საინფორმაციო სათემო შეხვედრები სამცხე-ჯავახეთის რეგიონის სხვადასხვა სოფლის მცხოვრებთან იმართება. შეხვედრების მთავარ მიზანს იმუნიზაციის მნიშვნელობის და საჭიროების, ვაქცინების უსაფრთხოების და კოვიდ 19-ით გამოწვეული საფრხეების შესახებ ადგილობრივი მოსახლეობის ცნობიერების ამაღლება წარმოადგენს. შეხვედრებს უძღვებიან დარგის კვალიფიციური სპეციალისტები, სოფლის ექიმები, ჯანდაცვის და დაავადებათა კონტროლის ცენტრის წარმომადგენლები, სოფლის რწმუნებულები, ადგილობრივი მთავრობის წარმომადგენლები და სხვა დაინტერესებული მხარეები.

საინფორმაციო შეხვედრები სამცხე-ჯავახეთის რეგიონის 10 სოფელს მოიცავს, კერძოდ: ჯიგრაშენი, დიდი გონდურა, ეშტია, გორელოვკა, ხანჩალი, ოკამი, გოგაშენი, არაგვა, ტურცხა და ბარალეთი. თითოეული ღონისძიება 30-მდე ადგილობრივ მცხოვრებზეა გათვლილი, ძირითად სამიზნე აუდიტორიას კი რისკ-ჯგუფის მქონე, 60 წელს გადაცილებული პირები წარმოადგენენ. შეხვედრების დასასრულს, იმუნიზაციით დაინტერესებულ მონაწილეებს ადგილზე, მათთვის სასურველი ვაქცინით იმუნიზაციის საშუალება აქვთ. მოსახლების ვაქცინაციისთვის, სამცხე-ჯავახეთში თბილისიდან სრულად აღჭურვილი მოძრავი ამბულატორია ჩავიდა, რომელიც საქართველოს სამედიცინო ჰოლდინგმა უზრუნველყო.

არწვიკ პოღოსიანი სოფელ ჯიგრაშენის მკვიდრია, რომელმაც ვაქცინის მეორე დოზის მიღება, სწორედ შეხვედრის შემდეგ გადაწყვიტა.

„ჩემთვის ვაქცინაცია პირველ რიგში მნიშვნელოვანია, რადგან შარშან დავინფიცირდი და საჭიროდ ჩავთვალე, რომ ავცრილიყავი. 27 აგვისტოს “სინოფარმის” პირველი დოზით ავიცერი, მცირედი ალერგია მომცა მეორე დღეს, შემეშინდა და იმის შემდეგ თავს ვიკავებდი, თუმცა დღევანდელი შეხვედრის შემდეგ მივიღე გადაწყვეტილება და ავიცერი, ჩემივე ჯანმრთელობისთვის ისევ “სინოფარმის” ვაქცინით. სოფელში დეზინფორმაციის გამო ხალხს ეშინია აცრის, ყველას ვურჩევ რომ აიცრას“, - აღნიშნავს ადგილობრივი.

შეხვედრები დღეს ნინოწმინდის სოფლებში ხორციელდება, 26 ნოემბერს კი ვაქცინაციასთან დაკავშირებული ინფორმაციის მიღება და ადგილზე იმუნიზაციის პროცესში ჩართვა ახალქალაქის სოფლების მცხოვრებლებსაც შეეძლებათ. ვაქცინაციის კამპანია “მოდი, ავიცრათ ერთმანეთისთვის” მსოფლიო ბანკის Covid-19-ის წინააღმდეგ სწრაფი რეაგირების პროექტის მხარდაჭერით იმართება. ვაქცინაციის კამპანიის გამართული საინფორმაციო შეხვედრები მოიცავს ყველა რეგიონს და Covid-19-ის ვაქცინაციასთან დაკავშირებულ საკითხებზე მოსახლეობის ცნობიერების ამაღლებას და პანდემიის წინააღმდეგ ბრძოლაში, ჯანდაცვის სექტორის მზადყოფნის უზრუნველყოფას ემსახურება.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება