უზენაესი სასამართლოს მოსამართლეობის კანდიდატი - ონლაინ თამაშების აკრძალვას ვეთანხმები

ონლაინ თამაშების აკრძალვას ვეთანხმები, - ასე უპასუხა უზენაესი სასამართლოს მოსამართლეობის კანდიდატმა თამარ ოქროპირიძემ, იურიდიულ საკითხთა კომიტეტის სხდომაზე, პარტია „საქართველოსთვის“ წევრის, დეპუტატ მიხეილ დაუშვილის შეკითხვას, რომელიც პრემიერ-მინისტრის ინიციატივასა და ონლაინ კაზინოებზე რეგულაციების გამკაცრებას გულისხმობდა.

მისივე თქმით, ონლაინ თამაშები გარკვეულწილად უკონტროლო სფეროა.

„ვეთანხმები ამ გადაწყვეტილების იმ ნაწილს, რომ ზოგადად, აზარტული თამაშების მიმართულებით სახელმწიფო კონტროლი უნდა გამკაცრდეს. ონლაინ თამაშების აკრძალვას ვეთანხმები, ვინაიდან ძალიან ბევრი ახალგაზრდა არის ჩართული ამ თამაშებში ან გარკვეული ასაკობრივი ზღვრის აწევა უნდა მოხდეს. ონლაინ თამაშები გარკვეულწილად უკონტროლო სფეროა. ამიტომ მიმაჩნია, რომ სახელმწიფო უნდა ჩაერიოს ამ სფეროში და გარკვეული აკრძალვაც გამართლებულად მიმაჩნია“, - განაცხადა თამარ ოქროპირიძემ.

იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ქართული პრესის მიმოხილვა 29.11.2021
მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
„კარფურისა“ და „FinExCoop“ მიერ ორგანიზებული „კარტოფილის ფესტივალი“ - ადგილობრივი ფერმერების მხარდასაჭერად
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს