ბადრი ჯაფარიძის განცხადებით, მიხეილ სააკაშვილის გათავისუფლებასთან დაკავშირებულ საინიციატივო ჯგუფში შესვლა „ლელოს“ გეგმებში არ არის

პარტია „ლელოს“ ერთ-ერთი ლიდერის, ბადრი ჯაფარიძის განცხადებით, მიხეილ სააკაშვილის გათავისუფლებასთან დაკავშირებულ საინიციატივო ჯგუფში შესვლა „ლელოს“ გეგმებში არ არის.

მან ასევე განაცხადა, რომ მიხეილ სააკაშვილის გათავისუფლების მოთხოვნა ამ ეტაპზე არარეალიზებადია.

„ჩვენს გეგმებში საინიციატივო ჯგუფში შესვლა არ არის, პირდაპირ გეტყვით, ჩვენ გვაქვს ჩვენი დღის წესრიგი, რომელიც ჩვენ გავასაჯაროვეთ და ეს არის ის, რომ შევჯერდეთ საზოგადოებასთან ერთად, პოლიტიკურ პარტიებთან, ვინც იზიარებს მიდგომას, რომ აუცილებელია უსაფრთხოების პრობლემის გადაჭრა, რბილ ძალასთან დაპირისპირება, ეკონომიკის სტიმულირება, მართლმსაჯულების დეპოლარიზაცია, ამის ირგვლივ შევჯერდეთ და ამ დღის წესრიგზე გავაკეთოთ აქცენტი. ის, რაც დღეს სააკაშვილის ირგვლივ ხდება, ცხადია, რომ ეს პროცესი გაგრძელდება, ის მოითხოვს დასწრების უფლებას სასამართლო სხდომებზე, მე მგონი, ეს არის აბსოლუტურად ლეგიტიმური მოთხოვნა, ამას მხარს უჭერენ ჩვენი ევროპელი მეგობრებიც, უნდა მიეცეს მას საშუალება, თავისი არგუმენტები წარმოადგინოს სასამართლოზე, ეს აუცილებელია, ხოლო ჩვენ ჩვენი დღის წესრიგი გვაქვს.

ეს არის ინიციატივა ბატონი სააკაშვილის, ეს ჩვენი ინიციატივა არ არის, მე ვფიქრობ, რომ ეს მოთხოვნა ამ წუთას არარეალიზებადიც არის, ახლა დღის წესრიგში უნდა იყოს, რომ მიეცეს მას საშუალება, დაესწროს სასამართლო პროცესს, ეს კარლ ჰარცელმაც აღნიშნა, რომ ესაა სწორედ ევროპული მოთხოვნაც, უნდა ესწრებოდეს სასამართლო პროცესს და უნდა ჰქონდეს არგუმენტების მოყვანის საშუალება.

რა თქმა უნდა, შესაძლებელია, შეიქმნას საინიციატივო ჯგუფი, რომელსაც ექნება ამოცანა, ამას ხელს ვერავინ ვერ შეუშლის, მაგრამ ჩვენი პრიორიტეტები არის ის, რაც მოგახსენეთ, დღის წესრიგი, რომელიც იქნება პოზიტიური, რომელიც გულისხმობს გაერთიანებას, კონსოლიდაციას ეროვნულ დონეზე”, - განაცხადა ბადრი ჯაფარიძემ.

ამასთან, ბადრი ჯაფარიძის თქმით, „ლელო“ 29 ნოემბერს სასამართლოს ტერიტორიაზე მიხეილ სააკაშვილის გათავისუფლების მოთხოვნით გამართულ აქციაზე წარმოდგენილი არ იქნება.

„ბატონი სააკაშვილი არის ერთიანი „ნაციონალური მოძრაობის“ დამფუძნებელი, „ლელო" არის დამოუკიდებელი პოლიტიკური პარტია, შესაბამისად, ჩვენ ვმოქმედებთ ჩვენი დღის წესრიგით და ჩვენი გეგმით, ამ გეგმაში სასამართლოს წინ შეკრება არ არის“, - განაცხადა ბადრი ჯაფარიძემ.

ცნობისათვის, მიხეილ სააკაშვილი მიიჩნევს, რომ საინიციატივო ჯგუფი უნდა შეიქმნას, რომელიც მისი გათავისუფლების კამპანიაზე იმუშავებს. მოგვიანებით მან კიდევ ერთი განცხადება გაავრცელა, სადაც აღნიშნავს, რომ იმედი აქვს უახლოეს დღეებში შეიქმნება მისი თავისუფლების საზოგადოებრივი კომიტეტი.

კახა გოგოლაშვილი - იმ ლოგიკით, რა ლოგიკითაც მოქმედებს ხელისუფლება ქვეყნის შიგნით და გარეთ, აზიანებს ქვეყნის ევროპულ პერსპექტივას
ქართული პრესის მიმოხილვა 03.12.2021
იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ელიტ ელექტრონიქსში წინასაახალწლო კამპანია დაიწყო
სილქნეტის სატელევიზიო აპლიკაციის Silk Go შეთავაზება ახალ მომხმარებლებს - დარეგისტრირდი მობილური ნომრით, უყურე სატელევიზიო ეთერს და მიიღე საჩუქრები
კახა ოქრიაშვილი - უკანონოდ დანიშნული მოსამართლეები მართლმსაჯულების სისტემის გარეთ დარჩებიან
გამჭვირვალე და მნიშვნელოვანი ინფორმაციის წყარო მედიკამენტებზე - "ფარმადეპომ" ახალი პორტალი SANDO.COM.GE პრეზენტაცია გამართა
აიღეთ „ვითიბიში“ იპოთეკური სესხი უცხოურ ვალუტაში და მომენტალურად დაიბრუნეთ თანხის 2%
დაადგინეთ თქვენი კომპანიის ციფრული სიმწიფე BDO Digital-თან ერთად
“მწვანე კონცხი ბოტანიკო” საახალწლო აქციის ფარგლებში ბინების ფასდაკლებით შეძენას და საჩუქარს გთავაზობთ
„ავერსის“ თვითმომსახურების აპარატი - სწრაფად, მარტივად, ურიგოდ