ალუდა ღუდუშაური - საზოგადოებრივი ჯგუფი იქნება, მოცეკვავე თუ ტანმოვარჯიშე, ყველა ექვემდებარება კანონს და სასამართლოს გადაწყვეტილებას - სააკაშვილი გაჯიუტებული ბავშვივით იქცევა

საზოგადოებრივი ჯგუფი იქნება, მოცეკვავე თუ ტანმოვარჯიშე ყველა ექვემდებარება კანონს და სასამართლოს გადაწყვეტილებას და მორჩა - გაჯიუტებული ბავშვივით იქცევა სააკაშვილი, უჭირს სამართლიანი სასჯელის მიღება, - ამის შესახებ ჟურნალისტებთან საპარლამენტო უმრავლესობის წევრმა ალუდა ღუდუშაურმა განაცხადა, რითაც გამოეხმაურა მიხეილ სააკაშვილის განცხადებას.

ღუდუშაურის თქმით, სააკაშვილს სასჯელის მოხდა მოუწევს და ამას უნდა შეეგუოს.

„პოლიტიკოსებისგან იქნება, ჩვეულებრივი მოკვდავი ადამიანებისგან, თუ უცხოპლანეტლებისგან ეს ჯგუფი, არ აქვს მნიშვნელობა, არსებობს კანონი, არსებობს სასამართლო და მისი პრეროგატივაა მსჯავრის დადება და მსჯავრისგან გათავისუფლება, შესაბამისად, აქ არის ძალიან დიდი წერტილი და საზოგადოებრივი ჯგუფი იქნება, მოცეკვავე თუ ტანმოვარჯიშე ყველა ექვემდებარება კანონს და სასამართლოს გადაწყვეტილებას და მორჩა.

გაჯიუტებული ბავშვივით იქცევა სააკაშვილი და მისი ახირებული მოთხოვნები ერთადერთ მიზანს ემსახურება - მას უჭირს სამართლიანი სასჯელის მიღება, მაგრამ მოუწევს და ამას უნდა შეეგუონ ეს ადამიანები და თვითონ პირველ რიგში. მისი ეს ახირებული მოთხოვნები და თითქოსდა ეპისტოლარული ჟანრის წერილები არანაირ შედეგს არ და ვერ იქონიებს, შესაბამისად მას მოუწევს მსჯავრის პირნათლად მოხდა, მისი ყველა უფლება იქნება დაცული როგორც აქამდე და სპეკულაციები მისი მსჯავრდების საქმეზე არის ამაო. მე ვურჩევდი ამ ადამიანებს, თუ რამე აქვთ სათქმელი წერილების ნაცვლად, რომ ტყვეობაში მყოფი სააკაშვილი დაიცვან, კარგად მოემზადონ და სასამართლოზე დაიცვან თავი,"- განაცხადა ღუდუშაურმა.

ცნობისათვის, მიხეილ სააკაშვილი აცხადებს, რომ მასთან დეპუტატებს შესვლის საშუალება არ ეძლევათ და თუ ასე გაგრძელდება, მედიკამენტების მიღებას შეწყვეტს. ამასთან, სააკაშვილი მიიჩნევს, რომ მისი გათავისუფლების კამპანიაზე საინიციატივო ჯგუფმა უნდა იმუშაოს და იმედს გამოთქვამს, რომ მისი თავისუფლების საზოგადოებრივი კომიტეტი მალე შეიქმნება.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება