მარინა კალიურანდი - მიხეილ სააკაშვილის შესახებ ჩემი ნათქვამი წინადადება კონტექსტიდანაა ამოგლეჯილი

უკანასკნელმა არჩევნებმა მიხეილ სააკაშვილის საშინაო პოლიტიკაში გავლენის შესახებ კითხვას საუკეთესოდ გასცა პასუხი - ჩემი ნათქვამი წინადადება კი თითქოს, მიხეილ სააკაშვილმა საქართველოში დაკარგა ძალაუფლება, რადგან მისი მოწოდების მიუხედავად, რუსთაველის გამზირზე არჩევნების შემდეგ ხალხი არ გამოვიდა, კონტექსტიდანაა ამოგლეჯილი, - ასე უპასუხა ევროპარლამენტარმა მარინა კალიურანდმა „ინტერპრესნიუსთან“ ექსკლუზიურ ინტერვიუში შეკითხვას, რომელიც მიხეილ სააკაშვილის საქართველოში ძალაუფლების დაკარგვაზე მისსავე გამოთქმულ მოსაზრებას შეეხებოდა, სადაც ევროპარლამენტარი ამბობდა, რომ ყოფილმა პრეზიდენტმა საქართველოში დაკარგა ძალაუფლება, რადგან მისი მოწოდების მიუხედავად, რუსთაველის გამზირზე არჩევნების შემდეგ ხალხი არ გამოვიდა.

მისივე თქმით, აგებს თუ იგებს სააკაშვილი, სასაუბრო არაა, საქართველო წინ უნდა წავიდეს და დაიწყოს მუშაობა როგორც ნორმალურმა დემოკრატიამ.

„წინადადება, რომლის ციტირებაც მოახდინეთ, კონტექსტიდანაა ამოღებული. მე ვთქვი ეს იმ კონტექსტში, რომ არჩევნების შემდეგ ქუჩაში არანაირი პროვოკაცია არ იყო, ადამიანები არ გამოვიდნენ „საჩხუბრად“ და არ გამოვიდნენ რაიმე სახის პროვოკაციებისთვის რუსთაველის გამზირზე და ამით მოხარული ვიყავი. ეს იყო ჩემი სიტყვების კონტექსტი. რაც შეეხება მიხეილ სააკაშვილის გავლენას საქართველოს საშინაო პოლიტიკაში, ვფიქრობ, უკანასკნელმა არჩევნებმა ამ კითხვას საუკეთესოდ გასცა პასუხი იმის გათვალისწინებით, თუ როგორი მხარდაჭერა მოიპოვა მისმა პარტიამ, „ნაციონალურმა მოძრაობამ“. მე არ ვაპირებ სპეკულირებას იმაზე, აგებს თუ იგებს სააკაშვილი. რისი თქმაც მინდა, არის ის, რომ საქართველო წინ უნდა წავიდეს და უნდა დაიწყოს მუშაობა, როგორც ნორმალურმა დემოკრატიამ, ნორმალურად ფუნქციონირებადი პარლამენტით და ყველა რეფორმით, იქნება ეს საკონსტიტუციო თუ სასამართლო რეფორმა, რასაც უკიდურესი მნიშვნელობა აქვს ქვეყნისთვის. მაგრამ, რაც შეეხება, სააკაშვილის პოლიტიკურ ძალაუფლებას, ამას საქართველოს მოსახლეობა განსაზღვრავს. როდესაც მე ვახსენე „ჩხუბი“ აქ არ მიგულისხმია იარაღი და ძალადობა", - განაცხადა კალიურანდმა.

ინტერვიუს სრული ვერსია იხილეთ ბმულზე.

კახა გოგოლაშვილი - იმ ლოგიკით, რა ლოგიკითაც მოქმედებს ხელისუფლება ქვეყნის შიგნით და გარეთ, აზიანებს ქვეყნის ევროპულ პერსპექტივას
ქართული პრესის მიმოხილვა 03.12.2021
იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ელიტ ელექტრონიქსში წინასაახალწლო კამპანია დაიწყო
სილქნეტის სატელევიზიო აპლიკაციის Silk Go შეთავაზება ახალ მომხმარებლებს - დარეგისტრირდი მობილური ნომრით, უყურე სატელევიზიო ეთერს და მიიღე საჩუქრები
კახა ოქრიაშვილი - უკანონოდ დანიშნული მოსამართლეები მართლმსაჯულების სისტემის გარეთ დარჩებიან
გამჭვირვალე და მნიშვნელოვანი ინფორმაციის წყარო მედიკამენტებზე - "ფარმადეპომ" ახალი პორტალი SANDO.COM.GE პრეზენტაცია გამართა
აიღეთ „ვითიბიში“ იპოთეკური სესხი უცხოურ ვალუტაში და მომენტალურად დაიბრუნეთ თანხის 2%
დაადგინეთ თქვენი კომპანიის ციფრული სიმწიფე BDO Digital-თან ერთად
“მწვანე კონცხი ბოტანიკო” საახალწლო აქციის ფარგლებში ბინების ფასდაკლებით შეძენას და საჩუქარს გთავაზობთ
„ავერსის“ თვითმომსახურების აპარატი - სწრაფად, მარტივად, ურიგოდ