ლევან იოსელიანი მოსამართლეობის კანდიდატს - გია გვიჩიანს და ნიკა ჩემიას უვადო პატიმრობა მიუსაჯეთ, შემდეგში ისინი გამართლდნენ, იმსახურებთ უვადო მოსამართლეობას?

გია გვიჩიანს და ნიკა ჩემიას უვადო პატიმრობა მიუსაჯეთ, შემდეგში ეს ადამიანები გამართლდნენ, მათ ციხეში 11 წელზე მეტ ხანს მოუწიათ ყოფნა. შეიძლება მოხდეს შეცდომა, მაგრამ თვლით, რომ როცა ასეთი მძიმე შეცდომა აქვს დაშვებული მოსამართლეს, ვისი გადაწყვეტილებითაც 11 წელი მოუწიათ უდანაშუალოდ ციხეში ჯდომა, იმსახურებს უზენეაესი სასამართლოს უვადო მოსამართლეობას? - ამ შეკითხვით „მოქალაქეების“ ერთ-ერთმა ლიდერმა, ვიცე-სპიკერმა ლევან იოსელიანმა უზენაესი სასამართლოს მოსამართლეობის კანდიდატს ნინო სანდოძეს მიმართა.

როგორც იოსელიანმა აღნიშნა, მტკიცებულებები გაყალბებული იყო და სწორედ აღნიშნული საფუძვლით მოხდა საქმის ხელახალი განხილვა და მათი გამართლება. აღნიშნულთან დაკავშირებით სადნოძემ განმარტა, რომ მას „შეცდომა არ დაუშვია“.

„შეკითხვა ვფიქრობ, რომ არასწორად არის ფორმულირებული, იქიდან გამომდინარე, რომ მოსამართლეს ამ საქმეზე შეცდომა არ დაუშვია და განგიმარტავთ რატომ“, - განაცხადა მოსამართლეობის კანდიდატმა, რასთან დაკავშირებითაც მას იოსელიანმა კვლავ კითხვით მიმართა.

„ანუ იმსახურებდნენ ეს ადამიანები უვადო პატიმრობას?“ - ჰკითხა „მოქალაქეების“ ერთ-ერთმა ლიდერმა სანდოძეს, რის შემდეგაც მოსამართლეობის კანდიდატმა საკუთარი გადაწყვეტილება განმარტა.

„2017 წელს ჩატარებული ახალი გამოძიებით გამოიკვეთა ახალი მტკიცებულებები, რომლებმაც სხვა მტკიცებულებებთან ერთობლიობაში გამოიწვია ის, რომ ეს განაჩენი გადაისინჯა. თქვენ მიუთითეთ - „მოსამართლე, რომელსაც ასეთი შეცდომა აქვს დაშვებულიო“ - არც ერთი პროცენტით არ ვთვლი, რომ მე შეცოდმა დავუშვი ამ საქმეზე და განგიმარტავთ რატომ. საქმეში არსებობდა უტყუარი მტკიცებულებები, რომლითაც გამოვიდა გამამტყუნებელი განაჩენი, ეს განაჩენი იმ წლებში გადასინჯა სააპელაციო სასმართლოს სამმა მოსამართლემ, უზენაესი სასამართლოს სამმა მოსამართლემ“, - განაცხადა სანდოძემ, რასთან დაკავშირებითაც მას იოსელიანმა უპასუხა, რომ „საქმეც იმაშია, რომ ეს საქმეები იმ წლებში გადაისინჯა“.

„არ დამისრულებია, 6-მა მოსამართლემ გადასინჯა იმ წლებში და არც ერთს არ უთქვამს, რომ აქ არ იყო დანაშუალის შემადგენლობა და მოსამართლემ შეცდომა დაუშვა. თქვენ ვერ მეტყვით, რომ სტრასბურგის სასამართლომ რაიმე უფლებების დარღვევა დაადგინა სამართალწარმოების პროცესში“, - განაცხადა მოსამართლეობის კანდიდატმა, რის შემდეგაც დეპუტატმა აღნიშნა, რომ ის „საქმის განხილვაში ვერ შევიდოდა, რადგან ეს ფორმატი ამის საშუალებას არ იძლეოდა“.

„თქვენი მსჯელობა მიმართულია იქითკენ, რომ ეს იყო აბსოლუტურად სწორი გადაწყვეტილება, რაც თქვენ მიიღეთ“, - მიმართა იოსელიანმა სანდოძეს, რის საპასუხოდაც მოსამართელობის კანდიდატმა განაცხადა, რომ „ეს იყო აბსოლუტურად სწორი გადაწყვეტილება“.

ამასთან, იოსელიანმა ნინო სანდოძეს მის მიერ განხილულ სხვა საქმეებთან დაკავშირებითაც მიმართა კითხვებით.

„2011 წლის 26 მაისის მონაწილეების საქმეები თქვენ გაქვთ განხილული, ისინი პარლამენტმა პოლიტიკურ პატიმრებად აღიარა. თქვენ არ გიქმნით უხერხულობას, რომ ის ადამიანები, რომელთა მიმართაც გამამტყუნებელი განაჩენი გაქვთ გამოტანილი, შემდეგში პოლიტიკურ პატიმრებად რომ ცნეს?“ - მიმართა დეპუტატმა მოსამართლეობის კანდიდატს, რასთან დაკავშირებითაც სანდოძემ განაცხადა, რომ მან ადმინისტრაციული საქმეები განიხილა.

„განაჩენი არ ყოფილა, ეს იყო ადმინისტრაციული წარმოება, ამ საქმეებიდან არც ერთის მიმართ საპატიმრო სახდელი არ განმისაზღვრავს და ყველა მათგანი ადმინისტრაციულ სამართალდარღვევას აღიარებდა. ეს პირები, ვის მიმართაც ადმინისტრაციული წარმოება განვიხილე, არც ერთის მიმართ ადმინისტრაციული პატიმრობა არ გამომიყენებია და როგორ ითვლებიან, ვერ გავიგე“, - აღნიშნა სანდოძემ, რასთან დაკავშირებითაც დეპუტატმა კვლავ კითხვით მიმართა.

„პატიმრობა არ გამოგიყენებიათ, მაგრამ ხომ არ გაგიმართლებით ეს ადამიანები თქვენ?“ - განაცხადა იოსელიანმა.

„ყველა მათგანი ადმინისტრაციული სახედელის ჩადენას აღიარებდა, მე რამდენიმე განვიხილე მხოლოდ“, - უსასუხა მოსამართლეობის კანდიდატმა.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება