„ქართული ოცნება" პირდაპირ ქაოსისკენ უბიძგებს ქვეყანას, ყველაფერს აკეთებს იმისთვის, რომ მღელვარება კიდევ უფრო მაღალი იყოს და თავის პოლიტიკური სიჯიუტე გაიტანოს რამენაირად, - ამის შესახებ ჟურნალისტებთან "სტრატეგია აღმაშენებლის" ლიდერმა გიორგი ვაშაძემ განაცხადა, რითაც ბათუმსა და ზუგდიდში საკრებულოებში მიმდინარე პროცესებს გამოეხმაურა.

მისივე თქმით, ბათუმის საკრებულოსთან უკანონოდ დააკავეს მათი აქტივისტიც.

"ერთი რამე უნდა გაიგოს "ქართულმა ოცნებამ", იქ, სადაც ოპოზიციას შეუძლია უმრავლესობა ჰქონდეს საკრებულოში, ხელისუფლება უნდა გაანაწილოს და ძალიან მნიშვნელოვანია ამ მიმართულებით იყოს ნაბიჯები გადადგმული. ჩვენ კიდევ ერთხელ დავინახეთ, როგორ არ უნდა იმართებოდეს ქვეყანა, როგორ იყენებს სამართალდამცავ ორგანოებს, ყველა ბერკეტს "ქართული ოცნება", რომ საკუთარი პოლიტიკური ინტერესები დააკმაყოფილოს,"- განაცხადა ვაშაძემ.