„ლელო - პარტნიორობა საქართველოსთვის" საპარლამენტო ფრაქციის ფორმით აღარ იარსებებს და პოლიტიკურ ჯგუფად გარდაიქმნა

„ლელო - პარტნიორობა საქართველოსთვის" საპარლამენტო ფრაქციის ფორმით აღარ იარსებებს - ის ე.წ. პოლიტიკურ ჯგუფად გარდაიქმნა.

ახალი საპარლამენტო პოლიტიკური ჯგუფის შექმნის თაობაზე საპროცედურო საკითხთა და წესების კომიტეტში იმსჯელეს.

კომიტეტის თავმჯდომარის, ირაკლი ქადაგიშვილის თქმით, მას შემდეგ, რაც მამუკა ხაზარაძემ პარლამენტი დატოვა, ფრაქციას „ლელო - პარტნიორობა საქართველოსთვის“ ერთი წევრი გამოაკლდა.

რეგლამენტით განსაზღვრული შვიდი დღის ვადაში ფრაქციის ახალი წევრით შევსება არ მომხდარა. შესაბამისად, ფრაქცია დაიშალა.

ქადაგიშვილის ინფორმაციით, „ლელოს" პარტიული სიით შესულმა დეპუტატებმა: ანა ნაცვლიშვილმა, ბადრი ჯაფარიძემ და დავით უსუფაშვილმა, რომელთაც პოლიტიკური ჯგუფის ჩამოყალიბების საშუალება აქვთ, მიმართეს პარლამენტს, რომ რეგლამენტის შესაბამისად შეიქმნას საპარლამენტო პოლიტიკური ჯგუფი „ლელო - პარტნიორობა საქართველოსთვის“.

კომიტეტმა ახალი პოლიტიკური ჯგუფის შექმნის საკითხი ცნობად მიიღო, რის შესახებაც შესაბამისი დასკვნა ბიუროს წარედგინება.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
ქართული პრესის მიმოხილვა 30.06.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
თბილისში დავით ტატიშვილის სამედიცინო ცენტრის კიდევ ერთი ფილიალი გაიხსნა
„ვენდისსა“ და „დანკინში“ „დორას“ „მამალოები“ უკვე წარმატებით იყიდება
კახა ოქრიაშვილი - „ყაველაშვილის ტრიო“ მომავალში მრავალი პოლიტიკური ტრიუკისთვის იქნება გამოყენებული
„ფოთის ახალ საზღვაო ნავსადგურში“ დოკერისა და მძღოლ-ოპერატორების კურსებზე პრაქტიკულ სწავლებას 40-ზე მეტი პირი გადის
„ონისი“ - 3 მეგობრის მიერ დაწყებული გემრიელი ბიზნესი
კარდიოასმაგნე - გულ-სისხლძარღვთა დაავადებების პრევენცია და მკურნალობა
„ლიბერთი“ მასწავლებელთა პოპულარიზაციის გლობალურ კამპანიას უჭერს მხარს
მელიქიშვილის 10 ნომერში სასტუმრო ”რამადა თბილისი” გაიხსნა
სს „ლიბერთი ბანკის“ გენერალურ დირექტორად ბექა გოგიჩაიშვილი დაინიშნა