კომუნიკაციების კომისიის შენობასთან მოძრაობა "სირცხვილიას" წევრებმა აქცია გამართეს

კომუნიკაციების კომისიის შენობასთან მოძრაობა "სირცხვილიას" წევრებმა აქცია გამართეს.ისინი მარეგულირებელი კომისიის მიერ "მთავარი არხის" 111 903 ლარით დაჯარიმების ფაქტს აპროტესტებდნენ და სიტყვის თავისუფლების შეზღუდვად აფასებდნენ.

"ყოველთვის გამოვალთ ქუჩაში და გამოვიყენებთ ყველა გზას იმისთვის, რომ კრიტიკული აზრი გავავრცელოთ. მმართველმა პარტიამ მარეგულირებელი კომისიის სადამსჯელო რაზმის ხელით დაასანქცირა "მთავარი არხი" 112 ათასი ლარით და ეს უპრეცედენტო ჯარიმა კიდევ ერთხელ უსვამს ხაზს, რომ "ქართული ოცნება" დგამს ნაბიჯს იმისთვის, რომ საქართველო დაუახლოვდეს რუსეთს, შეგვეცვალოს ჩვენი პროდასავლური კურსი და ეს არის ნაბიჯი რუსული ავტორიტარიზმისკენ, ამიტომ ვართ დღეს აქ", - განაცხადა "სირცხვილიას" წევრმა, ნოდარ რუხაძემ.

აქციის მონაწილეების მოთხოვნაა, გადადგეს კომუნიკაციების კომისიის თავმჯდომარე კახაბერ ბექაური და მოხდეს ჯარიმის გაუქმება.

მოძრაობა "სირცხვილიას" წევრები აქციაზე შემდეგი შინაარსის პლაკატებით გამოჩნდნენ: "არავის არ გვინდა თქვენთან კომუნიკაცია", "თავისუფალი სიტყვის მარეგულირებელი კომისია".

კომუნიკაციების კომისიასთან აქციის დასრულების შემდეგ მოძრაობის წევრები მსვლელობით "ქართული ოცნების" ოფისისკენ გაემართნენ. მსვლელობა საბოლოოდ მეტროსადგურ "300 არაგველთან" დასრულდა.

ცნობისთვის, კომუნიკაციების კომისიამ "მთავარი არხი" 17 და 18 ნოემბერს, არაწინასაარჩევნო პერიოდში 3 პოლიტიკური რეკლამის ეთერში კანონდარღვევით განთავსების გამო 111 903 ლარით დააჯარიმა.

ერთ-ერთი ვიდეორგოლი, რომელიც "მთავარმა არხმა" ეთერში გაუშვა მოძრაობა "სირცხვილიას" ეკუთვნის და მასში "ქართული ოცნების" დეპუტატების სახეები ვლადიმერ პუტინის სახედ გარდაიქმნება.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 30.06.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
კახა ოქრიაშვილი - "ღალატის პარტიას" არ სურს, საქართველო გახდეს ევროკავშირის წევრი ქვეყანა
დავით ზილფიმიანი მიმართვას ავრცელებს
PSP წლის ორი უმნიშვნელოვანესი ბიზნესდაჯილდოების - „ოქროს ბრენდი 2021“ და „ეროვნული ბიზნეს რეიტინგი XXII“-ის გამარჯვებულია
„წისქვილი მცხეთაში“ – „წისქვილი ჯგუფის“ სარესტორნო ქსელს დღეიდან კიდევ ერთი გამორჩეული რესტორანი ემატება
„იმპექსში“ ყოველკვირეული, უპრეცედენტო შეთავაზებები იწყება
ახალი ლიბერთი ახალი ცხოვრებისათვის - ლიბერთის და “ტელეკლინიკა - MyDoc“-ის ჯანმრთელობის ხელმისაწვდომობის პროგრამა
„აპარტ დეველოპმენტმა“ ახალი გაყიდვების ოფისი გახსნა
თბილისში დავით ტატიშვილის სამედიცინო ცენტრის კიდევ ერთი ფილიალი გაიხსნა
„ვენდისსა“ და „დანკინში“ „დორას“ „მამალოები“ უკვე წარმატებით იყიდება