დარგობრივი ეკონომიკისა და ეკონომიკური პოლიტიკის კომიტეტში „განახლებადი ენერგიის განვითარების პრობლემებთან დაკავშირებით” მოსმენა გაიმართა

დარგობრივი ეკონომიკისა და ეკონომიკური პოლიტიკის კომიტეტში „განახლებადი ენერგიის განვითარების პრობლემებთან დაკავშირებით” თემატური მოკვლევის მოსმენა გაიმართა. ამის შესახებ ინფორმაციას საქართველოს პარლამენტი ავრცელებს.

კომიტეტმა “განახლებადი ენერგიის განვითარების პრობლემებთან დაკავშირებით" თემატური მოკვლევა დაიწყო საქართველოში განახლებადი ენერგეტიკის განვითარებასთან დაკავშირებული ვითარების, არსებული პრობლემების შესწავლის, გამოვლენისა და შესაბამისი რეკომენდაციების შემუშავების მიზნით.

მოკვლევის ტექნიკური პირობები დაეგზავნათ დაინტერესებულ ორგანიზაციებს, მათ შორის საჯარო უწყებებს, ბიზნეს ასოციაციებს, არასამთავრობო ორგანიზაციებს, საკონსულტაციო-ანალიტიკურ კომპანიებს, დამოუკიდებელ ექსპერტებს, ენერგოკომპანიებს, ელექტროენერგიის პირდაპირ მომხმარებლებს, საერთაშორისო და დონორ ორგანიზაციებს.

დღეს გამართულ მოსმენაზე დაინტერესებულმა მხარეებმა მოსაზრებები და პოზიციები დააფიქსირეს და მიმოიხილეს მონაწილე მხარეების მიერ წარდგენილი წინადადებები.

მოსმენის დასასრულს კომიტეტის თავმჯდომარემ, დავით სონღულაშვილმა კიდევ ერთხელ გაუსვა ხაზი იმას, თუ რამდენად მნიშვნელოვანი ადგილი აქვს განახლებადი ენერგიის განვითარებას ჩვენი ქვეყნისთვის.

„ერთმნიშვნელოვნად მიმაჩნია, რომ ამ სექტორის განვითარება მნიშვნელოვანია, რადგან არსებობს შესაძლებლობა ინვესტიციებისთვის. მეორე, როგორც ქვეყნის დამოუკიდებლობისთვის ის ერთ-ერთი ძირითადი მდგენელია. ამიტომ გვაქვს ბევრი სხვადასხვა აქტივობა, ვქმნით შესაძლებლობებს და პლატფრომებს, რომ ამ გამოწვევებთან დაკავშირებით გაიხსნას დისკუსიები, ჩვენი კომიტეტი მაქსიმალურად ჩავერთოთ და გავაკეთოთ შესაბამისი რეაგირებები", - განაცხადა დავით სონღულაშვილმა.

ცნობისთვის, თემატური მოკვლევა ხორციელდება ევროკავშირის და გაეროს განვითარების პროგრამის (UNDP) მხარდაჭერითა და ვესტმინსტერის დემოკრატიის ფონდთან (WFD) თანამშრომლობით.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა