გიორგი ვაშაძე - ​ალბათ, ყველა გაოცებულია, რომ ეს ხალხი უზენაესი სასამართლოს უვადო მოსამართლეები ხდებიან, მათ შორის „ქართული ოცნება"

ისეთი მოსამართლეები იყვნენ, ავტობიოგრაფიებს რომ ვუსმენდი, ალბათ ყველა გაოცებულია, რომ ეს ხალხი უზენაესი სასამართლოს უვადო მოსამართლეები ხდებიან, - ამის შესახებ „სტრატეგია აღმაშენებელის“ ლიდერმა, გიორგი ვაშაძემ „პალიტრანიუსის“ გადაცემაში „360 გრადუსი“ განაცხადა.

მისი თქმით, პროტესტი არ გამოიხატება ფიზიკურ დაპირისპირებაში, ვაშაძის შეფასებით, ეს შესაძლებელია სიტყვითაც.

„ყველგან ერთი და იგივე ვერ იქნება, სადღაც ცოტა სოლიდურობა უნდა შეინარჩუნო იმისთვის, რომ შენი დასავლელი პარტნიორებისგანაც მხარდაჭერა გქონდეს. საკრებულოში, რაც იყო, სხვა რამ არის, პარლამენტში მოსამართლეების საკითხი უფრო ფაქიზია. ფრთხილად უნდა იყო, რომ შენი დასავლელი პარტნიორების მხარდაჭერა გქონდეს, თუ არ გექნება მხარდაჭერა, უფრო დაისუსტებ პოზიციებს. თუ ისე მოიქცევი, რომ მხარდასაჭერ შესაძლებლობას ვეღარ იპოვის შენი ევროპელი და ამერიკელი პარტნიორი, რა უნდა გითხრათ ახლა, „ყველა ერთი ოხერი ხართ,“ ბოლოს და ბოლოს და იქნება ასე. ამიტომ, არ არის აუცილებელი მაინცდამაინც შუბლი ვურტყათ კედელს, პროტესტი არ ნიშნავს მხოლოდ ფიზიკურ დაპირისპირებას, პროტესტი უნდა გამოიხატოს სიტყვიერადაც, ქმედებებში და ვფიქრობ, საერთო ოპოზიციურმა სპექტრმა, თითქმის ყველამ, პროტესტი გამოხატა ამ პროცესთან დაკავშირებით - ამას დაეთანხმა ამერიკის და ევროკავშირის მხარე. ეს ნიშნავს, რომ ეს პროცესი არ ჩაითვლება მართლმსაჯულებაში წინ გადადგმულ ნაბიჯად.

საინტერესოა, ისეთი მოსამართლეები იყვნენ, ავტობიოგრაფიებს რომ ვუსმენდი, ალბათ ყველა გაოცებულია, რომ ეს ხალხი უზენაესი სასამართლოს უვადო მოსამართლეები ხდებიან, მათ შორის „ქართული ოცნება",- განაცხადა ვაშაძემ.

პარლამენტში იუსტიციის უმაღლესი საბჭოს მიერ ასარჩევად წარდგენილი უზენაესი სასამართლოს მოსამართლეობის კანდიდატებთან გასაუბრების პროცესი დასრულდა. პარლამენტში უზენაესი სასამართლოს მოსამართლეობის კანდიდატებთან გასაუბრების პროცესი 25 ნოემბერს დაიწყო. ორი დღის განმავლობაში იურიდიულ საკითხთა კომიტეტში იუსტიციის უმაღლესი საბჭოს მიერ წარდგენილ ოთხ კანდიდატს - გენადი მაკარიძეს, თამარ ოქროპირიძეს, ნინო სანდოძეს და თეა ძიმისტარაშვილს გაესაუბრნენ. ჯერჯერობით არ არის გადაწყვეტილი, როდის გავა წარდგენილი კანდიდატების საკითხი კენჭისყრაზე ჯერ კომიტეტში, შემდეგ კი დასამტკიცებლად პლენარულ სხდომაზე.

ვლადიმერ ფესენკო - ვიდრე აშშ-რუსეთს, ნატო-რუსეთსა და ეუთო-რუსეთს შორის მოლაპარაკებები მიმდინარეობს, რუსეთის მხრიდან ომის დაწყების ალბათობა დაბალია, შემდეგ კი გამორიცხული არაფერია
ქართული პრესის მიმოხილვა 27.01.2022
ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
იუჯითიმ წარმატებით გაიარა კიდევ ერთი, ამჯერად ISO 20000 სტანდარტის შესაბამისი სერტიფიცირება
„ბლოქსის“ ახალი საცხოვრებელი კომპლექსი კრწანისში
Kontakt Home-ში გრანდიოზული აქცია იწყება - საღამოს ბაზარი მხოლოდ ორი დღით, 28-29 იანვარს
პროექტის - „აზერბაიჯან-საქართველოს კომბინირებული მოგზაურობა“ პრეზენტაცია გაიმართა
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი