ბელგრადში “საერთაშორისო ეთნოლოგიური ფესტივალი – საქართველო საპატიო სტუმარი ქვეყანა 2021" გაიმართა

სერბეთის რესპუბლიკის დედაქალაქ ბელგრადში "საერთაშორისო ეთნოლოგიური ფესტივალი - საქართველო საპატიო სტუმარი ქვეყანა 2021" გაიმართა. საგარეო საქმეთა სამინისტროს ინფორმაციით, ღონისძიება საზეიმოდ გახსნა საქართველოს პარლამენტის კულტურის კომიტეტის თავმჯდომარემ, ელისო ბოლქვაძემ და სერბეთის ეროვნული ასამბლეის კულტურისა და მედიის კომიტეტის თავმჯდომარემ, სანდრა ბოჟიჩმა.

სერბეთში საქართველოს საელჩოს ოფისის ძალისხმევითა და ფესტივალის ორგანიზატორთან მჭიდრო თანამშრომლობით, ღონისძიებაზე წარმოდგენილი იყო სამი ქართული მოდის სახლი, რომლებმაც სერბ აუდიტორიას ქართული ეთნო მოტივებით და არამატერიალური კულტურული მემკვიდრეობის შთაგონებით შექმნილი კოსტუმები წარუდგინეს.

სპეციალურად ღონისძიებისთვის, საქართველოს დამოუკიდებლობის ბრძოლაში დაღუპული გმირების უკვდავსაყოფად შეიქმნა მუსიკალური რგოლი, ხოლო წარმოდგენა გაიხსნა საქართველოს პირველი პრეზიდენტის, ზვიად გამსახურდიას მიერ,1991 წელს დამოუკიდებლობის აქტის მიღებისას გაჟღერებული ისტორიული ფრაზით: "აღსრულდა ნება ქართველი ერის. გაუმარჯოს დამოუკიდებელ საქართველოს."

ასევე, ნაჩვენები იქნა ცნობილი ქართველი ხელოვანის, ლადო გუდიაშვილის მიერ პირველი ქართული მოდის ჟურნალისთვის შექმნილი ესკიზების ვიდეო რგოლი.

საქართველოს საელჩოს ოფისის ინიციატივით, ფესტივალის ფარგლებში ასევე მოეწყო ქართული კუთხე, სადაც გამოფენილი იყო ქართული ხელნაკეთი და ხელნაწერი კერამიკა, ქართული ტიხრული მინანქრის ნაკეთობები და ქართული სუფრა.

ღონისძიების დასასრულს, საქართველოს საელჩოს ოფისის სახელით გაიმართა საზეიმო მიღება, რომლის ფარგლებშიც 200-ზე მეტ სტუმარს ქართული ღვინისა და კერძების დაგემოვნების შესაძლებლობა მიეცა.

ღონისძიებას ესწრებოდა სერბეთის რესპუბლიკის პრეზიდენტის მეუღლე, ტამარა ვუჩიჩი, რომლის საპატიო პატრონაჟითაც ტარდება აღნიშნული ფესტივალი.

"ბელგრადის საერთაშორისო ეთნოლოგიური ფესტივალი" სერბეთისა და სტუმარი ქვეყნის არამატერიალური კულტურული მემკვიდრეობის დაცვისა და თანამედროვე საზოგადოებაში მის შესახებ ცნობიერების ამაღლების იდეას ემსახურება.

ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
ქართული პრესის მიმოხილვა 27.06.2022
სოფიო გრაკალიშვილი - მომხმარებელს ვურჩევდი დეტალურად შეადაროს რამდენიმე სადაზღვევო კომპანიის პირობები და მხოლოდ ამის შემდეგ მიიღოს გადაწყვეტილება
კახა ოქრიაშვილი - ივანიშვილის ღარიბაშვილი ქართველი ხალხის 90%-ს დესტრუქციულ ძალას უწოდებს!
საერთაშორისო ფორვარდინგული კომპანია "ტეპკო" განცხადებას ავრცელებს
„მაგნიტის“ მეხუთე გათამაშებაში მოგებული 100 000 ლარი - რა გეგმები აქვს გამარჯვებულ ოჯახს
Bitnet – კრიპტო სტარტაპი, რომელმაც საერთაშორისო დაფინანსება მოიპოვა
დომუსის ახალი, მზიანი და ნათელი საცხოვრებელი კომპლექსი გაზაფხულის ქუჩაზე
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია