თენგიზ ცერცვაძე - ჯანმო-ს არცერთი სხვა შტამისთვის სტატუსი „შეშფოთების ობიექტი“ ასე სწრაფად არ მიუცია - გარკვეული შეშფოთებაა, ხომ არ იქნება ვაქცინა ამ შტამის დროს ნაკლებად ეფექტიანი

ჯანმო-ს არცერთი სხვა შტამისთვის სტატუსი - „შეშფოთების ობიექტი“, ასე სწრაფად არ მიუცია - არის გარკვეული მოლოდინი და შეშფოთება, ხომ არ იქნება ვაქცინა და მონოკლონური ანტისხეულები ამ შტამის დროს ნაკლებად ეფექტიანი,- ამის შესახებ ინფექციური საავადმყოფოს დირექტორმა, თენგიზ ცერცვაძემ რამდენიმე ქვეყანაში კორონავირუსის ახალი შტამის გავრცელებასთან დაკავშირებით ჟურნალისტებს განუცხადა.

როგორც ცერცვაძემ აღნიშნა, მსოფლიოში ახალი შტამის მხოლოდ ერთეული შემთხვევაა დაფიქსირებული და 99% კვლავ „დელტა“ შტამია.

„ანგარიში ჯანმო-ში შევიდა სამი დღის წინ, 24 ნოემბერს და 26-ში ჯანმო-მ უკვე მიანიჭა მას სტატუსი - „შეშფოთების ობიექტი“. ჯანმო-ს არცერთი სხვა შტამისთვის ასე სწრაფად ეს სტატუსი არ მიუცია. ამის მიზეზი ისაა, რომ ძალიან ბევრი მუტაცია აქვს, გაცილებით მეტი, ვიდრე იყო ბრიტანულში, სამხრეთ აფრიკულში, ბრაზილიურში. ჯერჯერობით ეს შტამი აღმოჩენილია სამხრეთ აფრიკაში, ჰონგ-კონგში, ასევე ისრაელში და ბრიტანეთში, საეჭვო შემთხვევები არის ბელგიასა და გერმანიაში. ამ ახალი შტამის სახელწოდება გახლავთ „ომიკრონი".

ჯერჯერობით უცნობია ვრცელდება თუ არა უფრო სწრაფად და იოლად, ვიდრე „დელტა შტამი; იწვევს თუ არა მძიმე დაავადებას და მეტ სიკვდილობას, ვიდრე „დელტა“ შტამი; მგრძნობიარეა ვაქცინების და მონოკლონური ანტისხეულების მიმართ, თუ მასზე ნაკლებად მოქმედებს ვაქცინა. ეს მაჩვენებლები ჯერჯერობით უცნობია, ვინაიდან ძალიან ცოტაა ამ ვირუსით ინფიცირების შემთხვევები. არის გარკვეული მოლოდინი და შეშფოთება, ხომ არ იქნება ვაქცინა და მონოკლონური ანტისხეულები ამ შტამის დროს ნაკლებად ეფექტიანი. ჯერჯერობით მსგავსი მონაცემები არ არის, ეს შტამი არ გამხდარა დომინანტი არცერთ ქვეყანაში და 99% მოდის „დელტა“ შტამზე. ერთეული შემთხვევებია დაფიქსირებული ამ შტამის, უბრალოდ მაღალია ამ შტამის შესაძლო გავრცელებით ჯანმოს შეშფოთება“,- განაცხადა ცერცვაძემ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს