საქართველოს ორი ისტორიული რეგიონი რუსული ოკუპაციის ქვეშაა, - ამის შესახებ საქართველოს პარლამენტის თავმჯდომარე კახა კუჭავამ საპარლამენტთაშორისო კავშირის 143-ე ასამბლეაზე სიტყვით გამოსვლისას განაცხადა.

მისი თქმით, ამ რეგიონების მცხოვრებლები ეთნიკურ ნიადაგზე ძალადობისა და გაუმართლებელი შეზღუდვების მსხვერპლნი არიან.

"საქართველოს ტერიტორიის 20%, ორი ისტორიული რეგიონი - აფხაზეთი და ცხინვალის რეგიონი, რუსული ოკუპაციის ქვეშაა. ამ რეგიონების მცხოვრებლები ეთნიკურ ნიადაგზე განხორციელებული ძალადობის და გაუმართლებელი შეზღუდვების მსხვერპლნი არიან, ყოველდღიურად იბრძვიან საკუთარი სიცოცხლისთვის, არ აქვთ წვდომა განათლებაზე, სათანადო სამედიცინო დახმარებაზე და მათი კანონიერი ინტერესები უხეშად არის იგნორირებული“, - აღნიშნა კუჭავამ.