თბილისის საქალაქო სასამართლოსთან, სადაც მიხეილ სააკაშვილის მხარდამჭერების აქცია მიმდინარეობს, რამდენიმე პირი შეუძლოდ გახდა. მათ შორის არიან როგორც აქციის მონაწილეები, ასევე მედიის წარმომადგენელი. ისინი შეუძლოდ მას შემდეგ გახდნენ, რაც რამდენჯერმე მოხდა ფიზიკური დაპირისპირება აქციის მონაწილეებსა და სამართალდამცველებს შორის, რა დროსაც პოლიციის თანამშრომლებმა, „წიწაკის სპრეი“ გამოიყენეს.

ადამიანებს, რომლებიც აქციის მიმდინარეობისას შეუძლოდ გახდნენ, ადგილზე მობილიზებულმა სასწრფო დახმარების ბრიგადებმა პირველადი დახმარება აღმოუჩინეს.

რაც შეეხება საქალაქო სასამართლოსთან არსებულ ვითარებას, ამ დროისთვის სიმშვიდეა, აქცია გრძელდება. ისმის შეძახილები „თავისუფლება მიშას!“