სამოქალაქო აქტივისტებმა და „ნაციონალური მოძრაობის“ მხარდამჭერებმა, აღმაშენებლის ხეივანზე, საავტომობილო გზის ორივე მიმართულება გადაკეტეს.

შეზღუდულია ავტომობილების გადაადგილება, რის გამოც მძღოლების ნაწილი უკმაყოფილებას გამოთქვამს.

გზის გადაკეტვის მცდელობის გამო დაპირისპირება იყო სამართალდამცავებსა და აქტივისტებს შორის. სამართალდამცავები მოქალაქეებს სთხოვენ საავტომობილო გზა გაათავისუფლონ.

„პოლიცია სამარცხვინოდ, პროვოკაციულად იქცევა. ეს ყველაფერი ამ გოგა მემანიშვილმა გამოიწვია. პროვოკატორი მემანიშვილის ბრალია, რომ თქვენ მიიღეთ ის გადაწყვეტილება, რომ ხალხი გადმოვიდა აქ. იქ გაზს ასხამთ. ბოდიში მაინც მოიხადეთ,“- განაცხადა ოპოზიციონერმა გიგი უგულავამ.