ნამდვილად სევდიანია, როდესაც მესამე პრეზიდენტს ასამართლებს ის სასამართლო, რომლის გამოც მან ბოდიში მოუხადა საზოგადოებას. სასამართლო ნამდვილად იყო მნიშვნელოვანი ჩავარდნა, რომელმაც განაპირობა ბევრი რამ, - ამის შესახებ „ნაციონალური მოძრაობის” ერთ-ერთმა ლიდერმა ხატია დეკანოიძემ თბილისის საქალაქო სასამართლოს დატოვების შემდეგ განაცხადა.
დეკანოიძის თქმით, მესამე პრეზიდენტის შუშის მიღმა ხილვა რთულია, მაგრამ ის სიტყვა, რომელიც მან პროცესზე წარმოთქვა, მნიშვნელოვანია და საზოგადოება მისი მიმართვიდან შესაბამის დასკვნას გამოიტანს.
"მიხეილ სააკაშვილის გზავნილები ეხებოდა ქვეყანაში მიტაცებულ სახელმწიფოს და იმას, რომ პუტინი არის დაინტერესებული რათა სააკაშვილს არ ჰქონდეს პოლიტიკურ პროცესებში ჩართვის შესაძლებლობა. ნამდვილად სევდიანია, როდესაც მესამე პრეზიდენტს ასამართლებს ის სასამართლო, რომლის გამოც მან ბოდიში მოუხადა საზოგადოებას. სასამართლო ნამდვილად იყო მნიშვნელოვანი ჩავარდნა, რომელმაც განაპირობა ბევრი რამ. ემოციურად რთულია როდესაც უყურებ შენს მეგობარს, მესამე პრეზიდენტს შუშის მიღმა, მაგრამ ის სიტყვა, რომელიც მან წარმოთქვა, მნიშვნელოვანია და ვფიქრობ საზოგადოება გამოიტანს დასკვნას მისი ამ მიმართვიდან.
საპროტესტო აქციები გაგრძელდება, ვერც გეტყვით სასამართლოს შემდეგ იქნება თუ მანამდე. უსამართლობას ყველა უნდა შეეგებოს სერიოზული პროტესტის მუხლით, ეს არის მთავარი”, - აღნიშნა ხატია დეკანოიძემ.