თბილისის საქალაქო სასამართლოს მიმდებარე ტერიტორიაზე სამართალდამცავებმა „ნაციონალური მოძრაობის“ მხარდამჭერი ბესიკ თამლიანი დააკავეს.
აღნიშნულის შესახებ ჟურნალისტებს თამლიანის დედამ რუსუდან თამლიანმა განუცხადა.
მისივე განმარტებით, რის საფუძველზე დააკავეს მისი შვილი პოლიციელებს ეს არ განუმარტავთ.
„რამდენიმე წუთის წინ დააკავეს ჩემი შვილი, მოვდიოდით, ხელი სტაცეს პოლიციელებმა, ჩასვეს მანქანაში და წაიყვანეს“, - განაცხადა რუსუდან თამლიანმა.
შეგახსენებთ, რომ ბესიკ თამლიანი იმყოფებოდა აქციაზე. მასსა და სამართალდამცავებს შორის დაპირისპირება რამდენჯერმე მოხდა.
რაც შეეხება სასამართლოსთან არსებულ ვითარებას, ადგილზე ამ დრომდე რჩებიან მიხეილ სააკაშვილის მხარდამჭერები.