საქალაქო სასამართლოსთან მიხეილ სააკაშვილის მხარდამჭერების აქცია დასრულდა - ტერიტორიაზე საავტომობილო მოძრაობა აღდგა

თბილისის საქალაქო სასამართლოსთან მიხეილ სააკაშვილის მხარდამჭერების მიერ ორგანიზებული აქცია დასრულდა.

აქციის მონაწილეებმა ტერიტორიის დატოვება მას შემდეგ დაიწყეს, რაც მესამე პრეზიდენტმა მიხეილ სააკაშვილმა სასამართლოს სხდომათა დარბაზი დატოვა.

მიმდებარე ტერიტორიაზე აღდგენილია სატრანსპორტო მოძრაობა, რომელიც აქტივისტებმა აქციის მიმდინარეობისას გადაკეტეს.

სასამართლოს ორივე შესასვლელთან პატრულირების მიზნით კვლავ რჩებიან საპატრულო პოლიციისა და სპეცდანიშნულების რაზმის წარმომადგენლები.

შეგახსენებთ საქალაქო სასამართლოსთან მიმდინარე აქციაზე სიტუაცია რამდენჯერმე დაიძაბა, სამართალდამცველებსა და აქციის მონაწილეებს შორის ადგილი ჰქონდა ფიზიკურ დაპირისპირებას რის გამოც, აქციის მიმდინარეობისას 15 პირი დააკავეს.

შინაგან საქმეთა სამინისტროს ცნობით, საპროტესტო აქცია მშვიდობიანი შეკრების კანონით დასაშვებ ნორმებს გასცდა და აქციის იმ მონაწილეების მიმართ, რომლებმაც სამართალდამცველებს წინააღმდეგობა გაუწიეს გამოყენებული იყო პროპორციული ძალა და სპეციალური საშუალებები.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 04.07.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
სოსო ტყემალაძე - აბასთუმნის კურორტის განვითარებისთვის, რომლის ინიციატივა ბიძინა ივანიშვილს ეკუთვნის, 1.3 მილიარდი ლარი დაიხარჯება
ბილბორდი - საქართველო - BILLBOARD GEORGIA - საქართველოში მუსიკალურ ჩარტებსა და სიახლეებს შემოიტანს