პარლამენტის ადამიანის უფლებათა დაცვის კომიტეტის თავმჯდომარის მიხეილ სარჯველაძის შეფასებით, ის რაც თბილისის საქალაქო სასამართლოსთან ხდებოდა, ყველაფერი იყო მშვიდობიანი აქციის გარდა.
როგორც ჟურნალისტებს სარჯველაძემ განუცხადა, "ნაციონალური მოძრაობის" სურვილი დესტრუქციაა და ყველაფერს აკეთებენ საიმისოდ, რომ ყველაფერზე იყოს საუბარი, გარდა ბრალდებისა, რაც სამართლებრივი თვალსაზრისით ძალიან მნიშვნელოვანია.
"იმის მცდელობის მიუხედავად, თითქოს დაპირისპირება ვიღაცის დროშის ფრიალს მოჰყვა, ყველაფერს პირდაპირ ეთერში ვადევნებდით თვალს და ყველაფერი უდაოა. რა თქმა უნდა, "ნაციონალურ მოძრაობას" შეეძლო ეს ყველაფერი აღეკვეთა. იყო გზის გადაკეტვის ხელოვნური მცდელობა, თითქოს გადაკეტვა ობიექტურად აუცილებელი იყო... ან როდესაც ვისმენთ, რომ პირობა ჰქონდათ დადებული გორში აქციის გამართვის თავშეკავებაზე, თორემ თბილისში გამართვაზე პირობა არ დაუდიათ... ნათელია, რომ მათ ამ ყველაფერისგან თავშეკავების შესაძლებლობა ჰქონდათ, მაგრამ არ ჰქონდათ სურვილი, რადგან მიზანი არის დესტრუქცია", - განაცხადა მიხეილ სარჯველაძემ.