მამუკა მდინარაძე „ნაციონალურ მოძრაობაზე“ - პროცესზე ფიზიკურად სააკაშვილის მიყვანა იმიტომ სჭირდებოდათ, რომ გაეკეთებინათ ის, რაც დღეს იკადრეს

„ქართული ოცნების“ აღმასრულებელი მდივნის მამუკა მდინარაძის განცხადებით, “ნაციონალურ მოძრაობას“ მიხეილ სააკაშვილის სასამართლო სხდომაზე ფიზიკური დასწრება იმისთვის უნდოდა, რომ „ გაეკეთებინათ ის რაც დღეს იკადრეს“.

როგორც მდინარაძემ ბრიფინგზე განაცხადა, მიხეილ სააკაშვილს სასამართლო პროცესში დისტანციურად ჩართვაც შეუძლია და ამით მისი სამართლიანი სასამართლოს ქონის უფლება არ ირღვევა, რადგან დღეს კოვიდრეგულაციების და სხვა მიზეზების გამო ასეულობით მსჯავრდებული ერთვება დისტანციურად.

„დღეს გამოჩნდა რისთვის სჭირდებოდათ მათ მსჯავრდებული მიხეილ სააკაშვილის სასამართლოში გადაყვანა. სჭირდებოდათ იმისათვის რა სცენარიც დღეს დადგეს და რაც ვერ დადგეს და გააკეთეს იმისთვის, მით უფრო. მათ ეს იმისთვის კი არ სჭირდებოდათ, თითქოს სააკაშვილს სამართლიანი სასამართლოს უფლება ერთმეოდა, მაშინ როდესაც კოვიდრეგულაციების გამო ან მისი ჯანმრთელობის მდგომარეობის გამო შესაძლებელია ის ჩაერთოს და ასე ერთვება ასეულობით მსჯავრდებული და ბრალდებული სასამართლო პროცესებში, მაგრამ ფიზიკურად იმიტომ სჭირდებოდათ სააკაშვილის მიყვანა, რომ გაეკეთებინათ ის, რაც დღეს იკადრეს, და უფრო მეტიც, რაც იკადრეს, მაგრამ ვერ განახორციელეს“, - განაცხადა მდინარაძემ.

ცნობისთვის, დღეს მიხეილ სააკაშვილის სასამართლო პროცესის პარალელურად სასამართლოს მიმდებარედ "ნაციონალური მოძრაობის" წევრები და მხარდამჭერები იყვნენ შეკრებილი. აქციაზე რამდენჯერმე დაიძაბა ვითარება. პოლიციამ 15 პირი დააკავა. შსს-ს ინფორმაციით, საპროტესტო აქცია გასცდა მშვიდობიანი შეკრების კანონით დასაშვებ ნორმებს. აქციის იმ მონაწილეების მიმართ, კი რომლებიც არ დაემორჩილნენ პოლიციელთა კანონიერ მოთხოვნებს და ძალადობრივი მეთოდებით წინააღმდეგობა გაუწის სამართალდამცველებს, პოლიციამ, კანონით მინიჭებული უფლებამოსილების ფარგლებში, გამოიყენა პროპორციული ძალა და სპეციალური საშუალებები.

ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
ქართული პრესის მიმოხილვა 24.01.2022
რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა