დიმიტრი ხუნდაძე - მიხეილ სააკაშვილმა სასამართლოს დარბაზში, რომელიც, როგორც ჩანს, პარლამენტის ტრიბუნად აღიქვა, მსოფლიოს წინაშე ახალი იმიჯით, ახალი პოლიტიკური კეკლუცობა დაიწყო - სააკაშვილი არ იცვლება

მიხეილ სააკაშვილმა გუშინ სასამართლოს დარბაზში, რომელიც, როგორც ჩანს, პარლამენტის დარბაზად და ტრიბუნად აღიქვა, მსოფლიოს წინაშე ახალი იმიჯით, ახალი პოლიტიკური კეკლუცობა დაიწყო - მიხეილ სააკაშვილი არ იცვლება, - ამის შესახებ „ქართული ოცნების“ დეპუტატმა დიმიტრი ხუნდაძემ პარლამენტის პლენარულ სხდომაზე სიტყვით გამოსვლისას განაცხადა.

როგორც ხუნდაძემ აღნიშნა, „ნაციონალურ მოძრაობას“ „განახლებული სააკაშვილის“ წარდგენით, მოსახლეობაში განახლებული განწყობის შექმნა სურს.

„დღეს დარბაზი შედარებით მშვიდია, რაც განპირობებულია იმით, რომ „ნაციონალური მოძრაობა“ დარბაზში არ არის. მაგრამ, როგორც ჩანს, საქართველოს მშვიდი პოლიტიკური ცხოვრება მაინც არ უწერია, როგორც გარეშე, ისე შიდა მტრისგან. მაგრამ უფრო მძიმეა დაპირისპირება და მტრობა, რომელიც ავტომატურად გარე ძალებსაც ახალისებს. ძალაუფლების ხელში ჩაგდების სურვილმა იმდენად გააბოროტა „ნაციონალური მოძრაობა“, რომ ვერ ხვდებიან, ხელისუფლებას ებრძვიან, თუ საკუთარ საზოგადოებას.

გუშინ მიხეილ სააკაშვილმა სასამართლოს დარბაზში, რომელიც, როგორც ჩანს, პარლამენტის დარბაზად და ტრიბუნად აღიქვა, მსოფლიოს წინაშე ახალი იმიჯით, ახალი პოლიტიკური კეკლუცობა დაიწყო. შედარებით გაწონასწორებული და არააგრესიული იმიჯი ნამდვილად უკეთესი ვარიანტია, თუმცა ესეც იმ თამაშის ნაწილია, რითაც სააკაშვილი ხშირად ერთობა და ცდილობს საზოგადოებას ამდაგვარად შეაჩეჩოს თავი. მიხეილ სააკაშვილი არ იცვლება და შესაბამისად, არ შეიცვლება საზოგადოების დამოკიდებულება და განწყობა მისდამი.

მათი მხრიდან ჯანდაცვის თემით სპეკულირება დასრულდა, არ გამოუვიდათ და დღეს რადიკალური ოპოზიცია ახალ გეგმაზე გადავიდა. განახლებული სააკაშვილის წარდგენით, სურთ, მოსახლეობაში განახლებული განწყობის შექმნა. ღრმად ვარ დარწმუნებული, რომ არც ეს გამოუვათ, რადგან მათი პოლიტიკური სპექტაკლები სერიებად აქვს ნანახი საზოგადოებას და არც ის იფიქროთ, რომ საზოგადოებას ამნეზია აქვს და არ ახსოვს ის, რაც დღესაც მძიმედ გასახსენებელია.

სააკაშვილის საქმე ჯანდაცვიდან სამართლებრივ ჭრილში დაბრუნდა და ეს არის ის გზა, სადაც ყველაფერი გამჭვირვალეა და სიმართლე აუცილებლად გაიმარჯვებს.

ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
ქართული პრესის მიმოხილვა 27.06.2022
სოფიო გრაკალიშვილი - მომხმარებელს ვურჩევდი დეტალურად შეადაროს რამდენიმე სადაზღვევო კომპანიის პირობები და მხოლოდ ამის შემდეგ მიიღოს გადაწყვეტილება
"არქი" ოქროს ბრენდის გამარჯვებული გახდა
ისტორიული დღე ვატიკანში - პირველად, სიქსტის კაპელაში, ქართული გალობა გაისმა
კახა ოქრიაშვილი - ივანიშვილის ღარიბაშვილი ქართველი ხალხის 90%-ს დესტრუქციულ ძალას უწოდებს!
საერთაშორისო ფორვარდინგული კომპანია "ტეპკო" განცხადებას ავრცელებს
„მაგნიტის“ მეხუთე გათამაშებაში მოგებული 100 000 ლარი - რა გეგმები აქვს გამარჯვებულ ოჯახს
Bitnet – კრიპტო სტარტაპი, რომელმაც საერთაშორისო დაფინანსება მოიპოვა
დომუსის ახალი, მზიანი და ნათელი საცხოვრებელი კომპლექსი გაზაფხულის ქუჩაზე
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია