იურიდიულ საკითხთა კომიტეტი დღევანდელ სხდომაზე პარლამენტისთვის ასარჩევად წარდგენილ უზენაესი სასამართლოს მოსამართლეობის კანდიდატებს უყრის კენჭს.
კომიტეტის სხდომა ამ დღის წესრიგით უკვე დაინიშნა. უზენაესი სასამართლოს მოსამართლეობის კანდიდატები დასამტკიცებლად, სავარაუდოდ, მიმდინარე კვირის პლენარულ სხდომაზე გავა.
იუსტიციის უმაღლესმა საბჭომ პარლამენტს ასარჩევად უზენაესი სასამართლოს მოსამართლეობის ოთხი კანდიდატი - ნინო სანდოძე, თეა ძიმისტარაშვილი, გენადი მაკარიძე და თამარ ოქროპირიძე წარუდგინა. მათ იურიდიულ საკითხთა კომიტეტმა გასულ კვირას მოუსმინა.