ანასტასია შატალოვას ოჯახი და ადვოკატი მკვლელობის დამკვეთის დადგენის მიზნით დაწყებულ გამოძიებას უნდობლობას უცხადებს

მოკლული ანასტასია შატალოვას ოჯახი და ადვოკატი მკვლელობის დამკვეთის დადგენის მიზნით დაწყებულ გამოძიებას უნდობლობას უცხადებს.

როგორც „ინტერპრესნიუსთან“ საუბარში ადვოკატი პაატა შავაძე აცხადებს, ცალკე წარმოებად დაწყებული გამოძიება, რომელმაც შატალოვას მკვლელობის დამკვეთი უნდა გამოავლინოს, „თაროზეა შემოდებული“.

ადვოკატის თქმით, მათ გამოძიებაში საქმის მასალები წარადგინეს, მათ შორის, ანასტასია შატალოვას სიცოცხლისდროინდელი ჩვენება, რომლის მიხედვითაც, მას ბავშვის მამა, ზურაბ ბერიძე ქილერით ემუქრებოდა.

„რამდენიმე დღის წინ, ანასტასია შატალოვას დედამ, ქალბატონმა სვეტლანამ ინფორმაცია წარადგინა გამოძიებაში, რაც საეჭვო ავტომანქანებს უკავშირდება. მისი გადმოცემით, ეს არის ის ავტომაქანები ნომრების მითითებით, რომლებიც ამ ტრაგიკულ შემთხვევამდე დასდევდა და უთვალთავლებდა ანასტასია შატალოვას. ამ მიმართულებით, გამოძიება მაინც და მაინც დიდ დაინტერესებას არ გამოთქვამს, რაც ვფიქრობ, გონივრულ ეჭვს აჩენს იმისას, რომ ვიღაც შესაძლოა, დაინტერესებულია იმ თემით, რომ საქმეზე დამკვეთის კუთხით ჭეშმარიტება არ დაგდინდეს“, - აცხადებს შავაძე.

მისივე თქმით, გამოძიებას სისხლის სამართლის ის მასალები მიაწოდა, რომელიც ზურაბ ბერიძის მხრიდან შესაძლო ძალადობის ფაქტებს უკავშირდება. ადვოკატის განმარტებით, მან ვერც ამ კუთხით დაინახა გამოძიების მხრიდან დაინტერესება, რაც კიდევ უფრო უღრმავებს ეჭვებს, რომ გამოძიება ტენდენციურად მიმდინარეობს.

მოკლული ქალის დედის, სვეტლანა შატალოვას განცხადებით, ანასტასია შატალოვას მტრები არ ჰყოლია.

„არ ვიცი რა მოხდა და რატომ მოკლეს, მხოლოდ ის ვიცი, რომ ხშირად მირეკავდა და მეუბნებოდა, ყველაფერი კარგად არის, უბრალოდ, ზურაბთან უნდა მოვაგვარო სიტუაცია, რომ ბავშვი არ წამართვასო. ბოლოს აქ ჩამოვფრინდი, დავრჩი 23 სექტემბრიდან 9 ოქტომბრამდე, სულ უკან იხედებოდა და მეუბნებოდა მითვალთვალებენო, ზურაბის გარდა, ვის შეეძლო მისთვის ეთვალთვალა, არ ვიცი, მტრები არ ყოლია. ძალიან ბევრი ფაქტია მის წინააღმდეგ, ბავშვი მის სახლშია, ის ძალიან ბევრ დროს, ენერგიას და ფულს ხარჯავდა, რომ შვილი მას დარჩენოდა, ახლა ეს ყველა პრობლემა გადაწყვეტილია. უთვალთვალებდნენ ასევე ძიძასაც, როცა ის ბავშვთან ერთად გადაადგილდებოდა.

პოლიციაში ვიყავი, მითხრეს, რომ გამოძიება მიმდინარეობს და წინასწარ დეტალებზე ვერ ისაუბრებენ, სამი დაკავებულია, ისინი ბრალს არ აღიარებენ, მაგრამ არსებობს მტკიცებულებები, რომ სწორედ მათ მოკლეს ანასტასია“, - აცხადებს შატალოვას დედა.

ცნობისთვის, ანასტასია შატალოვა თბილისში, საბურთალოზე 18 ოქტომბერს მოკლეს. აღნიშნულთან დაკავშირებით სამართალდამცავებმა ბექა ლატარია, ბიძინა ხასია და ლევან რაჯავი დააკავეს.

ბექა ლატარიას ბრალი განზრახ მკვლელობის, ცეცხლსასროლი იარაღის უკანონოდ შეძენა-შენახვა-ტარებისა და განსაკუთრებით დიდი ოდენობით ნარკოტიკული საშუალების შეძენა-შენახვის მუხლით აქვს წარდგენილი.

ბიძინა ხასიას გამოძიება განსაკუთრებით მძიმე დანაშაულის დაფარვას, პოლიციელების სიცოცხლის მოსპობის მცდელობას და საბრძოლო მასალის უკანონოდ შეძენა-შენახვა-ტარებას ედავება.

ლევან რაჯავს გამოძიება პოლიციისთვის წინააღმდეგობის გაწევას და ნარკოტიკული საშუალებების შეძენა-შენახვას ედავება.

სამივე მათგანს აღკვეთის ღონისძიების სახით პატიმრობა აქვს შეფარდებული.

ვლადიმერ ფესენკო - ვიდრე აშშ-რუსეთს, ნატო-რუსეთსა და ეუთო-რუსეთს შორის მოლაპარაკებები მიმდინარეობს, რუსეთის მხრიდან ომის დაწყების ალბათობა დაბალია, შემდეგ კი გამორიცხული არაფერია
ქართული პრესის მიმოხილვა 27.01.2022
ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
იუჯითიმ წარმატებით გაიარა კიდევ ერთი, ამჯერად ISO 20000 სტანდარტის შესაბამისი სერტიფიცირება
„ბლოქსის“ ახალი საცხოვრებელი კომპლექსი კრწანისში
Kontakt Home-ში გრანდიოზული აქცია იწყება - საღამოს ბაზარი მხოლოდ ორი დღით, 28-29 იანვარს
პროექტის - „აზერბაიჯან-საქართველოს კომბინირებული მოგზაურობა“ პრეზენტაცია გაიმართა
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი