ქსელის გეგმური სარეაბილიტაციო სამუშაოების გამო, 1-ელ დეკემბერს 11:00-დან 15:00 საათამდე ელექტროენერგიის მიწოდება შეეზღუდება აბონენტებს ზაჰესში თავისუფლების, მაყაშვილის, ცქიტიშვილის, კასკადის, კეცხოველის და მიმდებარე ქუჩებზე. ამის შესახებ ინფორმაციას „ენერგო-პრო ჯორჯია“ ავრცელებს.

მათივე ინფორმაციით, 14:00-დან 15:00 საათამდე ელექტროენერგია შეეზღუდებათ აბონენტებს მცხეთის რაიონის სოფლებში მუხრანი, ვარდისუბანი, ქსოვრისი, ძველი ქანდა, ბურიანი და მიმდებარე სოფლებში.

სარეაბილიტაციო სამუშაოების დასრულებისთანავე, ელექტროენერგიის მიწოდება აღდგება ჩვეულ რეჟიმში.