შალვა პაპუაშვილი - იმისათვის, რომ კონსტიტუციაში ცვლილებები მივიღოთ, საჭიროა პარტიები თანამშრომლობდნენ, უნდა იყოს არა სამკვდრო-სასიცოცხლო ბრძოლა, არამედ თანამშრომლობა - ოპოზიციას ომი აქვს გამოცხადებული

საკონსტიტუციო ცვლილებებზე პარტიებს შორის აქტიური დისკუსია არ არის - არ ვიცით, მივიღებთ, არ მივიღებთ და თუ მივიღებთ, როგორ მივიღებთ, - ამის შესახებ “ქართული ოცნების“ ერთ-ერთმა ლიდერმა შალვა პაპუაშვილმა განაცხადა.

პაპუაშვილმა ისიც აღნიშნა, რომ “ქართულ ოცნებას“ საკონსტიტუციო ცვლილებების მიღების არანაირი ვალდებულება არა აქვს და თუ ასეთი ცვლილებები იქნება მიღებული, ეს “ქართული ოცნების“ კეთილი ნება იქნება, ხოლო იმისთვის, რომ ასეთი ნება არსებობდეს, საჭიროა თანამშრომლობა პარტიებს შორის.

“ოპოზიცია თავად ამბობს, რომ როგორიც კი საკონსტიტუციო ცვლილებები იქნება, გავარდებიან ქუჩაში და რიგგარეშე არჩევნებს მოითხოვენ, რაც არასერიოზულია. იმისათვის, რომ კონსტიტუციაში ცვლილებები მივიღოთ, საჭიროა პოლიტიკური პარტიები თანამშრომლობდნენ - უნდა იყოს არა სამკვდრო-სასიცოცხლო ბრძოლა, არამედ თანამშრომლობა. ოპოზიციას გამოცხადებული აქვს ომი, მათ შორის ომი ქვეყნის წინააღდეგ იმ კუთხით, რომ ჩატარდა ორი არჩევნები და ხალხის არჩევანით არიან უკმაყოფილო. უკმაყოფილო არიან ქართველი ხალხით, რომ მანდატს არ აძლევენ და ცდილობენ მოიგონონ გზები, რათა ძალაუფლება რამენაირად დემოკრატიული გზისთვის გვერდის ავლით დაიბრუნონ. ჩვენ ვუსმინეთ მიხეილ სააკაშვილს თუ რას მისტირის ის - ენატრება პერიოდი როდესაც მას შეუზღუდავი ძალაუფლება ჰქონდა, მაგრამ ხალხი მას ამ ძალაუფლებას არ აძლევს“, - განაცხადა შალვა პაპუაშვილმა.

შეგახსენებთ, დღეს უმრავლესობის ლიდერმა ირაკლი კობახიძემ განაცხადა, რომ თუკი კონსტიტუციაში რაიმე ცვლილება ამოქმედდება საარჩევნო ბარიერთან და პროპორციულ სისტემაზე გადასვლასთან დაკავშირებით, ეს 2024 წლიდან უნდა ამოქმედდეს და რიგგარეშე არჩევნებზე არ გავრცელდეს. კობახიძის თქმით, მისი პოზიციაა, რომ ამოსაღებია არსებული ჩანაწერი “მომდევნო არჩევნები“, რომელიც პირველი მოსმენით მიღებულ საკონსტიტუციო ცვლილებების პროექტშია ასახული.

ინფორმაციისთვის, პარლამენტმა, პირველი მოსმენით, კონსტიტუციურ კანონში დაგეგმილი ცვლილებები სექტემბერში მიიღო.

პირველი მოსმენით მიღებული კონსტიტუციის გადასინჯვის პროექტით, ცვლილება კონსტიტუციის გარდამავალ დებულებებში აისახება, რაც იმას ნიშნავს, რომ ახალი ნორმები დროებითი ხასიათის იქნება და მომდევნო ორი მოწვევის პარლამენტისთვის იმოქმედებს.

პროექტის მიხედვით, პარლამენტის მომდევნო ორი არჩევნების საფუძველზე, პარლამენტის წევრთა მანდატები იმ პოლიტიკურ პარტიებზე განაწილდება, რომელიც ხმების 2%-ს მიიღებს. საპარლამენტო არჩევნები პროპორციული სისტემით ჩატარდება, ხოლო ე.წ. გაუნაწილებელი მანდატები უდიდესი ნაშთის მქონე პარტიებს დარჩება.

ამავე ცვლილებებით, მიმდინარე და მომდევნო ორი მოწვევის პარლამენტში ფრაქციის წევრთა რაოდენობა ოთხზე ნაკლები არ უნდა იყოს.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
ქართული პრესის მიმოხილვა 30.06.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
თბილისში დავით ტატიშვილის სამედიცინო ცენტრის კიდევ ერთი ფილიალი გაიხსნა
„ვენდისსა“ და „დანკინში“ „დორას“ „მამალოები“ უკვე წარმატებით იყიდება
კახა ოქრიაშვილი - „ყაველაშვილის ტრიო“ მომავალში მრავალი პოლიტიკური ტრიუკისთვის იქნება გამოყენებული
„ფოთის ახალ საზღვაო ნავსადგურში“ დოკერისა და მძღოლ-ოპერატორების კურსებზე პრაქტიკულ სწავლებას 40-ზე მეტი პირი გადის
„ონისი“ - 3 მეგობრის მიერ დაწყებული გემრიელი ბიზნესი
კარდიოასმაგნე - გულ-სისხლძარღვთა დაავადებების პრევენცია და მკურნალობა
„ლიბერთი“ მასწავლებელთა პოპულარიზაციის გლობალურ კამპანიას უჭერს მხარს
მელიქიშვილის 10 ნომერში სასტუმრო ”რამადა თბილისი” გაიხსნა
სს „ლიბერთი ბანკის“ გენერალურ დირექტორად ბექა გოგიჩაიშვილი დაინიშნა