ეკატერინე ტიკარაძემ უნგრეთის რესპუბლიკის ელჩთან გაცნობითი ხასიათის შეხვედრა გამართა

ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრ ეკატერინე ტიკარაძესა და უნგრეთის რესპუბლიკის ელჩს ანა მარია სიკოს შორის გაცნობითი ხასიათის შეხვედრა გაიმართა.

ჯანდაცვის სამინისტროს ინფორმაციით, შეხვედრაზე მხარეებმა მიმდინარე თანამშრომლობის საკითხები და სამომავლო გეგმები განიხილეს.

ანა მარია სიკოს განცხადებით, ქვეყნებს შორის მოხდება საუკეთესო პრაქტიკის გაზიარება და თანამშრომლობა კიდევ უფრო გაღრმავდება.

„გამოვთქვამ იმედს, რომ ჩვენი თანამშრომლობა მომდევნო წლებშიც აქტიურად გაგრძელდება. უახლოეს მომავალში დაგეგმილია უნგრეთის ჯანდაცვის მინისტრის ვიზიტი საქართველოში, დარწმუნებული ვარ მინისტრებს შორის ძალიან სასარგებლო შეხვედრა გაიმართება და თანამშრომლობა კიდევ უფრო გაღრმავება. მოხდება ჩვენს მიერ ევროპაში, ევროკავშირში, ჯანდაცვის, განათლების და სოციალური დაცვის სფეროებში დანერგილი საუკეთესო პრაქტიკის გაზიარება და მისი საქართველოში დანერგვა. აღნიშნული მნიშვნელოვანია ქვეყნის ევროკავშირის წევრობის გზაზე, რისი დიდი მხარდამჭერებიც ვართ“,- განაცხადა ანა მარია სიკომ.

ჯანდაცვის სამინისტროს ინფორმაციით, შეხვედრაზე საუბარი შეეხო შრომითი მიგრაციის მიმართულებით არსებულ საჭიროებებს, დასაქმებისა და შრომის ბაზრის აქტიური პოლიტიკის გატარებას, მათ შორის, საზღვარგარეთ საქართველოს მოქალაქეებისთვის ლეგალურად დროებითი დასაქმების შესაძლებლობებს ასევე, სოციალური დაცვის პოლიტიკას და სოციალური კოდექსის შემუშავების საკითხებს.

„ხაზი გაესვა დევნილთა ღირსეული საცხოვრებელი პირობებითა და სოციალურ- ეკონომიკური მდგომარეობის გაუმჯობესების საკითხსაც. COVID-19 პანდემია იყო ასევე, ის მნიშვნელოვანი საკითხი, რომლის შესახებაც მხარეებმა ისაუბრეს.

მინისტრის განცხადებით, COVID-19 პანდემიის პერიოდში საქართველოსა და უნგრეთს შორის ჯანმრთელობის დაცვის მიმართულებით თანამშრომლობა კიდევ უფრო გამყარდა.

ეკატერინე ტიკარაძემ უნგრეთის მთავრობას ჯანდაცვის სფეროში მიმდინარე და განხორციელებული პროექტების აქტიური მხარდაჭერისთვის მადლობა გადაუხადა.

კერძოდ, ვიშეგარდის ფონდის ფინანსური მხარდაჭერით სამედიცინო ჰოლდინგისთვის შეძენილი იქნა ჟანგბადის 55 კონცენტრატორი, რაც სახელმწიფო კლინიკებში კოვიდის ეფექტური მართვისთვის მნიშვნელოვანი რესურსია.

ასევე, აღსანიშნავია ფონდის მხარდაჭერა საქართველოს პირველადი ჯანდაცვის განვითარების მიმართულებით. კერძოდ, სამეგრელოს რეგიონში, სოფლის ამბულატორიებისთვის კომპიუტერული ტექნიქიკის გადაცემა,სოფლად მცხოვრები მოსახლეობისთვის მნიშვნელოვანი ხელშეწყობაა.

უნგრეთის რესპუბლიკის ელჩთან შეხვედრას ჯანდაცვის მინისტრის პირველი მოადგილე თამარ გაბუნიაც ესწრებოდა“, - ნათქვამია ინფორმაციაში.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 30.06.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
კახა ოქრიაშვილი - "ღალატის პარტიას" არ სურს, საქართველო გახდეს ევროკავშირის წევრი ქვეყანა
დავით ზილფიმიანი მიმართვას ავრცელებს
PSP წლის ორი უმნიშვნელოვანესი ბიზნესდაჯილდოების - „ოქროს ბრენდი 2021“ და „ეროვნული ბიზნეს რეიტინგი XXII“-ის გამარჯვებულია
„წისქვილი მცხეთაში“ – „წისქვილი ჯგუფის“ სარესტორნო ქსელს დღეიდან კიდევ ერთი გამორჩეული რესტორანი ემატება
„იმპექსში“ ყოველკვირეული, უპრეცედენტო შეთავაზებები იწყება
ახალი ლიბერთი ახალი ცხოვრებისათვის - ლიბერთის და “ტელეკლინიკა - MyDoc“-ის ჯანმრთელობის ხელმისაწვდომობის პროგრამა
„აპარტ დეველოპმენტმა“ ახალი გაყიდვების ოფისი გახსნა
თბილისში დავით ტატიშვილის სამედიცინო ცენტრის კიდევ ერთი ფილიალი გაიხსნა
„ვენდისსა“ და „დანკინში“ „დორას“ „მამალოები“ უკვე წარმატებით იყიდება