დავით ზალკალიანი - პროგრესი, რასაც საქართველომ მიაღწია, უნდა აისახოს როგორც მინისტერიალის, ასევე 2022 წლის ნატო-ს სამიტის გადაწყვეტილებებსა და დეკლარაციებში
დღეს ჩვენი აქ ყოფნა ნამდვილად მნიშვნელოვანია და ნატო-საქართველოს პარტნიორობის მნიშვნელობის დემონსტრირებაა. ძალიან მნიშვნელოვანია იმ პროგრესის აღიარება, რასაც საქართველომ ნატო-ში ინტეგრაციის კუთხით მიაღწია, - ამის შესახებ საქართველოს საგარეო საქმეთა მინისტრმა დავით ზალკალიანმა რიგაში განაცხადა, სადაც ნატო-ს საგარეო საქმეთა მინისტრების სამიტი იმართება.
მისივე განმარტებით, ეს ასევე კარგი შესაძლებლობაა იმისთვის, რომ ისაუბრონ იმ მოლოდინებზე, რაც მომავალი წლის ნატო-ს სამიტისგან გვაქვს.
„ჩვენ მიგვაჩნია, რომ ის პროგრესი, რასაც საქართველომ მიაღწია, უნდა აისახოს როგორც დღევანდელი მინისტერიალის, ასევე 2022 წლის ნატო-ს სამიტის გადაწყვეტილებებსა და დეკლარაციებში,“- აღნიშნა საგარეო საქმეთა მინისტრმა.
შეგახსენებთ, რიგაში, ნატო-ს საგარეო საქმეთა მინისტრები სამიტი მიმდინარეობს. დღეს დაგეგმილია ჩრდილოატლანტიკური საბჭოს სხდომა, რომელზეც საქართველო და უკრაინაც არიან მიწვეული.
