ივანე ჩხაიძის ინფორმაციით, იმუნიზაციის მრჩეველთა ჯგუფის რეკომენდაციაა, კოვიდგადატანილებისთვის უვადო „მწვანე პასპორტის“ იდეა გადაიხედოს და 6 თვემდე შემცირდეს
იაშვილის სახელობის ბავშვთა ცენტრალური საავადმყოფოს სამედიცინო დირექტორის, იმუნიზაციის ტექნიკურ მრჩეველთა ეროვნული ჯგუფის ხელმძღვანელის ივანე ჩხაიძის ინფორმაციით, იმუნიზაციის ტექნიკურ მრჩეველთა ჯგუფს ექნება რეკომენდაცია, კოვიდგადატანილებისთვის უვადო „მწვანე პასპორტის“ იდეა გადაიხედოს და ის 6 თვემდე შემცირდეს.
როგორც ივანე ჩხაიძე განმარტავს, საქართველოს 6-თვიანი პერიოდი სჭირდება.
"იმუნიზაციის ტექნიკურ მრჩეველთა ეროვნულ ჯგუფს ექნება რეკომენდაცია, რომ გადაიხედოს კორონავირუსის გადატანის შემდგომ უვადო „მწვანე პასპორტის“ იდეა და ეს იყოს შემცირებული 6 თვემდე. ვთვლით, რომ 6-თვიანი პერიოდი ეს არის ის, რაც ახლა სჭირდება საქართველოს," - განაცხადა ივანე ჩხაიძემ.
