ვახტანგ მეგრელიშვილი დაინტერესდა, რატომ ვერ ვითარდება საჯარო სკოლები განათლების სამინისტროს შემუშავებული რეგულაციებით

თქვენ ხართ მთავარი სკოლის დირექტორი და ყველა დანარჩენი სკოლის დირექტორი თქვენი ფილიალი სკოლის მოადგილეა. იდეაში ალბათ თქვენ ხართ რექტორთ რექტორიც, - ასე მიმართა „გირჩის“ წევრმა ვახტანგ მეგრელიშვილმა პარლამენტის პლენარულ სხდომაზე განათლების და მეცნიერების მინისტრს, მიხეილ ჩხენკელს, რომელსაც „მინისტრის საათის“ ფორმატში უსმენენ.

მეგრელიშვილი დაინტერესდა, რატომ ვერ ვითარდება საჯარო სკოლები განათლების სამინისტროს შემუშავებული რეგულაციებით და შედეგს რას ელოდება მინისტრი ბაღების რეგულაციის ამოქმედების შემდეგ.

„თქვენ რომ გისმენდით, დამიდასტურდა ის შეფასება, რომელსაც წლების განმავლობაში ვაკეთებდი განათლების სამინისტროზე, რომ, თქვენ ხართ მთავარი სკოლის დირექტორი და ყველა დანარჩენი სკოლის დირექტორი თქვენი ფილიალი სკოლის მოადგილეა. იდეაში ალბათ თქვენ ხართ რექტორთ რექტორიც, იმიტომ რომ უნდა იცოდეთ როდის განთავსდება ადრონული კოლაიდერი რომელიღაც ერთ-ერთი ქვეყნის უნივერსიტეტში და ა.შ. ანუ თქვენ ამენეჯმენტებთ ამ სისტემას. ჩემი აზრით, მთავარი პრობლემა ეს მგონია. ახლა პარლამენტში შემოვიდა „ბაღების რეგულირების შესახებ“ კანონპროექტი, თქვენ წლებია არეგულირებთ სკოლებს უმკაცრესად, თქვენ არეგულირებთ უმაღლეს სასწავლებლებს და თქვენმა კოლეგებმა თქვენივე გუნდიდან მოგახსენეს ის შედეგები, რაც ამ რეგულაციებს მოჰყვა. დაწყებული იქიდან, როგორია ჩვენი ბავშვების შედეგები, დამთავრებული ჩვენი პედაგოგების შედეგებით. ობიექტური შეფასებებით, ყველგან პრობლემებია. მაინტერესებს თქვენი ზუსტი პასუხი ბაღებთან მიმართებაში, რას ელოდებით? თქვენმა ბაღების რეგულაციამ რა უნდა გამოასწოროს? მიზნად რას ისახავთ? ანალოგიურად, იქნებ პარალელი გამივლოთ რატომ არ მოქმედებს თქვენი რეგულაციები საჯარო სკოლებში, ანუ რატომ არ ვითარდება და უმჯობესდება თქვენი რეგულაციებით საჯარო სკოლები? და თუ დრო დაგრჩებათ, ისაუბრეთ უნივერსიტეტებზე“, - მიმართა მინისტრს მეგრელიშვილმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს