დავით ჭიჭინაძე - კალაძე ქვეყნის ენერგოსისტემის დამანგრეველი და ჩვენი ქალაქის ოკუპანტია

კალაძე ქვეყნის ენერგოსისტემის დამანგრეველი და ჩვენი ქალაქის ოკუპანტია, - ამის შესახებ „ტრიბუნას“ ლიდერმა, დავით ჭიჭინაძემ განაცხადა.

მისი თქმით, დედაქალაქის მერი მხოლოდ ფულის კეთებითაა დაკავებული.

„დღეს თუ ჩვენ არ ვართ ენერგოდამოუკიდებლები, სწორედ კალაძის და მისი იმ საძმოს დამსახურებაა, ვინც კალაძის მინისტრობის დროს, ამ თემებში ხელს აფათურებდნენ და ქვეყნის ენერგოუსაფრთხოებაზე კი არა, ენერგო გაუბედურებაზე ზრუნავდნენ.

მერიაში საქმიანობას რაც ეხება, აქაც მხოლოდ ფულის კეთებითაა დაკავებული, იმიტომაც არის ქალაქი ცალკეა და ფული ცალკე.

ზოგადად კი, ხელისუფლება გვყავს ისეთი, ვისთვის არც ცნება ოკუპანტი არსებობს და არც სახელმწიფო ინტერესი. მათ მხოლოდ ის ადარდებთ, ვის შეიძლება "მოარგონ" ჩვენი სახელმწიფო, რაც შეიძლება სარფიანად, კარგი დივიდენდები რომ მიიღონ. ამიტომ, არც იმას გამოვრიცხავ, "ოცნების" ხელისუფლება მომჩივან მხარეებთან გარიგებულიც კი იყოს, რადგან სახელმწიფო ასე მასშტაბურად აგებდეს სასამართლოებს კომპანიებთან, მგონი მარტო საქართველოში ხდება. თავმოყვარე სახელმწიფო თავის ინტერესებს როდესაც იცავს, ისეთ ვალებსაც კი არ იხდის, რომელიც აღიარებულია. ამის საუკეთესო მაგალითი კი, უკრაინაა,

"ინტერ-რაოც" არ შემოსულა საქართველოში თავისით. ეს კალაძის და ვანო ჩხარტიშვილის დამსახურებაა. როგორც ჩანს, სასათბურე პირობებს და ფულის კეთებას დაჰპირდნენ, რადგან სწორედ ჩხარტიშვილი ლობირებდა ადრეც და ახლაც ამ კომპანიის საქართველოს ბაზარზე ყოფნას.

მოკლედ, რადგან კალაძის, ენერგეტიკის მინისტრობის დროინდელი, არა ერთი სკანდალური შემთხვევა გვახსოვს, რადგან ქვეყანას კატასტროფული ზარალი აქვს მიყენებული და სახელმწიფოს ინტერესები და ასეულობით მილიონი, მუდმივად ეწირება კონკრეტული ჯგუფების და ჩხარტიშვილების ინტერესებს, ეს საქმეები აუცილებლად უნდა იქნას გამოძიებული, სისხლის სამართლის საქმეები უნდა აღიძრას და დაისაჯოს ყველა ის ადამიანი, ვინც სახელმწიფოს ასეთ გაკოტრებაში და ოკუპაციაში ფიგურირებს”, - განაცხადა დავით ჭიჭინაძემ.

ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
ქართული პრესის მიმოხილვა 27.06.2022
სოფიო გრაკალიშვილი - მომხმარებელს ვურჩევდი დეტალურად შეადაროს რამდენიმე სადაზღვევო კომპანიის პირობები და მხოლოდ ამის შემდეგ მიიღოს გადაწყვეტილება
კახა ოქრიაშვილი - ივანიშვილის ღარიბაშვილი ქართველი ხალხის 90%-ს დესტრუქციულ ძალას უწოდებს!
საერთაშორისო ფორვარდინგული კომპანია "ტეპკო" განცხადებას ავრცელებს
„მაგნიტის“ მეხუთე გათამაშებაში მოგებული 100 000 ლარი - რა გეგმები აქვს გამარჯვებულ ოჯახს
Bitnet – კრიპტო სტარტაპი, რომელმაც საერთაშორისო დაფინანსება მოიპოვა
დომუსის ახალი, მზიანი და ნათელი საცხოვრებელი კომპლექსი გაზაფხულის ქუჩაზე
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია